ଆମ ଶୁଭପର୍ବ ଦୀପାବଳି

      ଆମ ଶୁଭପର୍ବ ଦୀପାବଳି 

        =============

ପରବରେ ଆମ ଦୀପାବଳି ମହାରାଜା l 

ପୁର ପଲ୍ଲୀ ନଗରରେ ବାଜୁଅଛି ବାଜା ll 

ଆଲୋକର ପର୍ବ ଏ ଉଲ୍ଲାସ ପର୍ବ ଭାଇ l 

ସାର୍ବଜନୀନ ଏ ପର୍ବ ଭେଦଭାବ ନାହିଁ ll 

ପିଲାଠାରୁ ବୁଢ଼ା ସବୁ ଏକଠାବେ ମିଳି l

ପାଳନ୍ତି ଫୁଟାଇ ବାଣ ଶୁଭ ଦୀପାବଳି ll 

ଆଲୋକର ମାଳା ପ୍ରତିଘରେ ଝଲସଇ l

ପିତୃଙ୍କୁ ପୂଜିବା ଶୁଭ ଦିନ ଗୋଟି ଏହି ll

ଦୀପଂଜ୍ୟୋତିପରଂବ୍ରହ୍ମ ହରହରହରେ l 

ଦୀପଂଜ୍ୟୋତିଜନାର୍ଦ୍ଧନସବୁରିମୁଖରେ ll

ମିଠା ମୁଖ କରି ସର୍ବେ ପରସ୍ପରେ ମିଳି l 

ବଡ଼ ବଡୁଆ ଡାକନ୍ତି  କାଉଁରିଆ ଜାଳି ll 

ତ୍ରେତୟାରେ ରାମ ଚନ୍ଦ୍ର ବଧି ଦଶାନନ l 

ଅଯୋଧ୍ୟାକୁ ଆସିଥିଲେ ପ୍ରଭୁ ଏହିଦିନ ll 

ପ୍ରଭୁଙ୍କୁ କରି ସ୍ୱାଗତ ଅଯୋଧ୍ୟା ନଗରୀ l

ନାଗରିକ ଜାଳିଥିଲେ ଦୀପ ସଜ କରି ll 

ଏହି ଦିନ କାଳୀପୂଜା ପୁଣି ଲକ୍ଷ୍ମୀ ପୂଜା l

ବେପାରିଙ୍କ ନବବର୍ଷ କେତେସବୁସଜା ll

ଆଉ କେତେ କଥା କହୁନାହିଁ ସୁଧିଜନ l 

ବଖାଣିବସିଲେ ହବ ଗୋଟିଏ ପୁରାଣ ll 

ବଡ଼ ବଡୁଆ ଡାକିବା କଥା ଏହି ଶେଷ l 

ପିତର ଗଣଙ୍କ ଠାରୁ  ବାଞ୍ଛିବା ଆଶିଷ ll 

ଅନ୍ଧାରରେ ଆସପିତୃ ଆଲୁଅରେଯାଆ l 

ଆଲୋକରପଥ ଆମ୍ଭଙ୍କୁ ଦର୍ଶାଉଥାଆ ll 

ପାତାଳ ପୁରରୁ ଆସି  ମହାରାଜ ବଳି l 

ଆନନ୍ଦ ଲଭିଲେ ଶୁଭପର୍ବ ଦୀପାବଳି ll 

ମହା ଭାରତୀୟ ପର୍ବ ଦୀପାବଳି ଏହି l 

ଅଜ୍ଞାନ ନାଶ ଜ୍ଞାନର ଆଲୁଅ ଜଳାଇ ll

               🙏🙏🙏

                   ଅର୍ଜୁନୀ 

            -----------

ଅର୍ଜୁନୀ ଚରଣ ବେହେରା 

ମୋ -7693091971