STORYMIRROR

Arjuni charan Behera

Inspirational Others

4  

Arjuni charan Behera

Inspirational Others

ଜଗଜ୍ଜୀବନ ଭାବଗ୍ରାହୀ,ସୁଦାମାଭାବ ମୋର କାହିଁ     

ଜଗଜ୍ଜୀବନ ଭାବଗ୍ରାହୀ,ସୁଦାମାଭାବ ମୋର କାହିଁ     

2 mins
2

   ଜଗଜ୍ଜୀବନ ଭାବଗ୍ରାହୀ 

 ସୁଦାମାଭାବ ମୋର କାହିଁ 

      ===========

ହେ କୃଷ୍ଣ ପ୍ରୀୟ ପ୍ରାଣସଖା l

         ସୁଦାମା ଚାଲିଲା ଦ୍ୱାରିକା ll

ହେ ବାଲ୍ୟ ବନ୍ଧୁ ବାଳସଖା l

        ସତେ ପାଇବି ତୁମ୍ଭ ଦେଖା ଳୁ

ମନେ କି ଅଛି ଗୁରୁ ଦୀକ୍ଷା l

        ଗୁରୁଙ୍କ ଗୃହେ ବିଦ୍ୟା ଶିକ୍ଷା ll

ଲୁଗା ଉତ୍ତରୀ ସାତ ସିଇଁ l

          ବେଢ଼ାଇ ପିନ୍ଧି ଅଛି ମୁହିଁ ll

ମୁଁ ଅଟେ ଭିକ୍ଷୁକ ବ୍ରାହ୍ମଣ l

           ତୁ ଅଟୁ ଦ୍ୱାରିକା ରାଜନ ll

ସେଥକୁ ମୋର ଚିନ୍ତାନାହିଁ l

         ଭେଟିବି ପ୍ରଭୁ ଭାବଗ୍ରାହୀ ll

କୃଷ୍ଣ ଦର୍ଶନେ ମୋର ମନ l

         ଶ୍ରୀକୃଷ୍ଣଗତ ମୋର ପ୍ରାଣ ll

ସେ କୃଷ୍ଣ ମୋତେ ହେଉ ପ୍ରାପ୍ତ l

           ପୂତ କରିବି ଚର୍ମ ନେତ୍ର ll

ଦୟା ସାଗର ଦୀନବନ୍ଧୁ l

          ପାରି ହୋଇବି ଭଵବନ୍ଧୁ ll

ରକ୍ତାକ୍ତ ପାଦ କଣ୍ଟା ଫୁଟି l

         ସୁଦାମା ଚାଲେ ପଡ଼ିଉଠି ll

ଖୁଦ ଭଜାକୁ କରି ଗଣ୍ଠି l

          ବନ୍ଧୁଙ୍କ ଉପହାର ଭେଟି ll

ସୁଦାମା ଚାଲି ଦୀର୍ଘ ପଥ l

          ଦ୍ୱାରିକା ପୁରେ ଉପଗତ ll

ପ୍ରହରୀ ଗଣେ ନିବେଦନ l

        କରେ ସେ ଦରିଦ୍ର ବ୍ରାହ୍ମଣ ll

ଆମ୍ଭେ ଯେ କୃଷ୍ଣ ବାଲ୍ୟସଖା l

         ଆସିଛୁ ପାଇବୁକି ଦେଖା ll

ପ୍ରହରୀ ଗଣ ଦେଲେ ତଡ଼ି l

     ସୁଦାମା କାନ୍ଦେ ମୁଣ୍ଡ କୋଡ଼ି ll

ଭକ୍ତ ବତ୍ସଳ ଭାବଗ୍ରାହୀ l

       ଜାଣିଲେ ଅନ୍ତଃପୁରେ ରହି ll

ତକ୍ଷଣେ ପ୍ରଭୁ ଦ୍ୱାରେ ଛୁଟି l

       ବନ୍ଧୁଙ୍କୁ ରାଇଲେ ପାଛୋଟି ll

ରୁକ୍ମିଣୀ ଦେବୀ କୃଷ୍ଣ ନାରୀ l

          ସଙ୍ଗତେ ପ୍ରଭୁ ନରହରି ll

ବିପ୍ରଙ୍କ ପଦ ଧୌତ କରି l

         ପିବନ୍ତି ପଦୋଦକ ବାରି ll

ବସାଇ ଉତ୍ତମ ଆସନ l

          ରୁକ୍ମିଣୀ କରନ୍ତି ବ୍ୟଜନ ll

ବନ୍ଧୁଙ୍କ ଉପହାର ଆଣି l

       ଛଡ଼ାଇ ଖାନ୍ତି ବେନି ପ୍ରାଣୀ ll

ଏମନ୍ତେ ଦୁଇ ଦିନ ରହି l

      ସୁଦାମା ହୋଇଲେ ବିଦାୟୀ ll

କୃଷ୍ଣଙ୍କ ଅଶ୍ରୁ ପୂର୍ଣ୍ଣ ନେତ୍ର l

        ବିଦାୟ ମାଗେ ଦୀନ ବିପ୍ର ll

ନିଜ ଭୁବନେ ପାଦ ଦେଇ l

         ଦେଖେ ଦରିଦ୍ର କୁଟି ନାହିଁ ll

ସୁଦାମା କହେ କାନ୍ଦି କାନ୍ଦି l

           କିପାଇଁ ପ୍ରଭୁ ଅଛୁ ଛନ୍ଦି ll

ଏ ସର୍ବ ସମ୍ପଦେ ମୋହର l

        ବାଞ୍ଛା ମୋ ନାହିଁ ଚକ୍ରଧର ll

ସଖା ମୋହର ନେତ୍ରପଥେ l

         ଥାଅ ତୁ ସଦା ଅବିରତେ ll

ଜଗଜ୍ଜୀବନ ଭାବଗ୍ରାହୀ l

      ସୁଦାମା ଭାବ ମୋର କାହିଁ ll

      ମିନତି ଜଗତ ଠାକୁରେ l

ସେ ଭାବେ ବାନ୍ଧ ତୋ ପୟରେ ll

             🙏🙏🙏

                ଅର୍ଜୁନୀ 

          ------------

ଅର୍ଜୁନୀ ଚରଣ ବେହେରା 

ମୋ -7693091971


ଏହି ବିଷୟବସ୍ତୁକୁ ମୂଲ୍ୟାଙ୍କନ କରନ୍ତୁ
ଲଗ୍ ଇନ୍

Similar oriya poem from Inspirational