ମାଆ ହେବ ସାହା

ମାଆ ମାଆ ହୃଦେ ସ୍ମରି

  ଧନରେ ଘରୁ ଯେବେ ବହାରିବୁ

ଯେତେ ବାଧା ଆସୁ 

   ତୋ ଚଲା ପଥରେ

କେବେହେଁ ତୁ ନ ଡରିବୁ

 ସେପରା ଜନନୀ ଅଭୟ ଦାୟିନୀ

   ତା ପଦେ ଚିତ୍ତ ରଖିବୁ।

ଧନରେ...

କନକପୁରରେ ମାଆ ଶାରଳା ସେ

  ଦେବେ ସେ କରୁଣା ଦୃଷ୍ଟି

କାକଟପୁରରେ ମାଆ ମଙ୍ଗଳା ସେ

   ହରିବ ସବୁ ଅରିଷ୍ଟି

କଟକ ଚଣ୍ଡୀ ମା ସବୁ ପାପ ଖଣ୍ଡି

  କେବେ ତାଙ୍କୁ ନ ଭୂଲିବୁ।

    ଧନରେ..

ଶ୍ରୀକ୍ଷେତ୍ର ବିମଳା ମାଆ ତୋର ସଦା

   ବିମଳ କରିବେ ପ୍ରାଣ

ତାଳଚେର ମାଆ ହିଙ୍ଗୁଳା ଜାଣି ଥା

   ଦୁଃଖେ ହେବେ ସାହା ଜାଣ

ଯାଜପୁର ଧାମ ବିରଜା ମାଆଙ୍କୁ

  ହୃଦେ ସଦା ସୁମରିବୁ।

  ଧନରେ...

କୋଣାର୍କ ଧାମର ରାମଚଣ୍ଡୀ ନାମେ

  ବାନ୍ଧିବୁ ଜୀବନ ଭେଳା

ବାଙ୍କୀର ଚର୍ଚ୍ଚିକା ନାମକୁ ଧନରେ

  କଣ୍ଠେ କରିଥିବୁ ମାଳ।

ଚିଲିକାରେ କାଳିଜାଇ ନାମେ ଧନ

  ଭକ୍ତିରେ ମଥା ନୋଇଁବୁ।

   ଧନରେ...