ବୁଢ଼ା ଫୁଲ
ବୁଢ଼ା ଫୁଲ
ସେଦିନ କଲେଜେ କେତେ ପୁଅଝିଅ
ଉଠଉ ଥିଲେ କେତେ ଛବି,
ଗୋଟାଏ କ୍ଲିକରେ ସୁନ୍ଦର ଚେହେରା
ମନ ମୋର ହେଲା ଲୋଭୀ ।
ସୁକୋମଳ ପୁଣି ନିର୍ମଳ ହସର
ଫୁଲକୁ କୁଣ୍ଢେଇ ଧରି,
ନେଇଗଲି ସେଲଫି ଉଦବେଳିତ ମନେ
ତରତରେ ଝଟ୍ କରି ।
ଭାବିଲି ସୁନ୍ଦର ଗୁଣରେ ଶ୍ରେଷ୍ଠ
ହୋଇଥିବ ଏ ନିଶ୍ଚୟ,
ଗୋରା ତକ୍ ତକ୍ ମୁହଁଟା ମୋର
ନାହିଁ ତାର ପଟାନ୍ତର ।
ସେ ଚିତ୍ରପଟରେ ଅନେକ ଫୁଲରେ
ଥିଲା ଏକ ବୁଢ଼ା ଫୁଲ,
କାନରେ ମୋହର କହିଦେଇଗଲା
ମୋ ଚିତ୍ରପଟର ମୂଲ ।
ମୋ ଚିତ୍ରପଟରେ ମୋତେ ଯଦି ଥରେ
ନିରେଖି ପାରନ୍ତି ମୁହିଁ,
ସମସ୍ତଙ୍କଠାରୁ ବହୁତ ସୁନ୍ଦର
ଦିଶୁଥାନ୍ତି କାଳେ ମୁହିଁ ।
ଯେ ଦିନ ଚିତ୍ରପଟରେ କାଳେ
ନିଜ ସହ ହେବ ଦେଖା,
ବୁଢା ଫୁଲ କହୁଥିଲା "ସେଦିନ
ଚିତ୍ରପଟ ଦିଶେ ଫିକା" ।