ଗାନ୍ଧୀ ତୁମେ ଫେରିଆସ

ଭାରତ ମାତାର ସୁଯୋଗ୍ୟ ସୁପୁତ୍ର ଘେନ ହେ ଆମ ନମନ

ଇତିହାସ ଗାଏ ତବ ଜୟଗୀତିଧରମ ତୁମ ମହାନ ।

ଅହିଂସାର ସ୍ୱାଦ ଚାଖିଲା ଭାରତ ସ୍ୱାଧୀନ ହୋଇଲା ଦେଶ....

ଗାନ୍ଧୀ ତୁମେ ଫେରିଆସ ଗାନ୍ଧୀ ତୁମେ ଫେରିଆସ ।

ଜାତିର ଜନକ ଭାରତ ନାୟକଦେଖିଯାଅ ଥରେ ଆସି

ଅଧର୍ମର ଧ୍ଵଜା ଉଡିଲା ଗଗନେ ନିର୍ଦ୍ଦୋଷ ପାଏ ହେ ଫାଶୀ ।

ତୁମେ ଗଲା ପରେ ରାମରାଜ୍ୟ ଗଲା ଅନ୍ୟାୟେ ଭରିଲା ଦେଶ....

ଗାନ୍ଧୀ ତୁମେ ଫେରିଆସ ଗାନ୍ଧୀ ତୁମେ ଫେରିଆସ ।

ପାପୀ ଅତ୍ୟାଚାରେ ଦେଶଜାତି ଥରେ ଶାନ୍ତି ତ ଯାଇଛି ହଜି

କାମନ୍ଧର ଠାରେ ନାରୀର ସମ୍ମାନ ରକତେ ଯାଇଛି ଭିଜି ।ଆସ ହେ ମହାତ୍ମା ସତ୍ୟର ସ୍ପନ୍ଦନେ ଅପେକ୍ଷା କରିଛି ଦେଶ...

ଗାନ୍ଧୀ ତୁମେ ଫେରିଆସ ଗାନ୍ଧୀ ତୁମେ ଫେରିଆସ ।।