ନୂଆ ବରଷ

ନୂଆ କ୍ୟାଲେଣ୍ଡର ନୂଆ ମସିହାରେ

ଆସିଛି ନବ ବରଷ

ସୁଖ ସମୃଦ୍ଧିର ଭାର ଆଣିଦେଇ

ଓଠେ ଭରିଦେଉ ହସ ।

ଆଶାର କିରଣ ବିଚ୍ଛୁରିତ ହୋଇ

ବାସ୍ତବର ରୂପ ନେଉ

ଆଭାସୀ ମନରେ ପ୍ରାକୃତିକ ଖୁସି

ସର୍ବଦା ଝଲସୁ ଥାଉ ।

ବଦଳିଯେ ଗଲା ସୁଖଦୁଃଖ କେତେ

ଆସିଲା ନୂଆ ସକାଳ

ନୂତନ ଭାବନା ନୂଆ ସମ୍ଭାବନା

ମନକୁ କରିଲା ଗେଲ ।

ରହିଥାଉ ସ୍ମୃତି ହଜିଲା ଦିନର

ପ୍ରେରଣାର ସ୍ରୋତ ସାଜି

ପରିଶ୍ରମ ସାଥେ ନିଆରା ସମ୍ପର୍କ

ଖୁସି ଆଣିଦେଉ ଖୋଜି ।

ଷଡ଼ ରିପୁ ହଜି ଜୀବନ ପଥରେ

ସପନଯେ ହେଉ ପୁରା

ସଫଳ କାହାଣୀ ଇତିହାସ ରଚି 

କୋଳେଇ ନେଉଯେ ଧରା ।