ସ୍ୱପ୍ନ ସୁନ୍ଦରୀ

ଥିଲି ମୁହିଁ ଏକା ହେଲ ତୁମେ ଦେଖା

କିଣିଲ ମନକୁ ମୋର

ଅଳପ ଦିନର ଗପସପ ପରେ

ଲାଗିଲ ତୁମେ ନିଜର ।

ମଧୁଝରା ତୁମ ଗୋଲାପୀ ଓଠର

ମତୁଆଲି ମିଠା କଥା

କଣ୍ଠରୁ ଝଙ୍କୃତ ଶବ୍ଦର ସମ୍ଭାର

ଭୁଲାଏ ମନରୁ ବ୍ୟଥା ।

କଳାରଙ୍ଗ ଶାଢ଼ୀ ପାଦରେ ପାଉଁଜୀ

ଆଖିରେ କଜଳ ଗାର

ପାଦରେ ଅଳତା ନାଇ ଯେବେ ଚାଲ

ଲାଗ ପରୀ ସରଗର ।

ସମୟ ପାଇଲେ ହାତେ ଆଙ୍କିଦିଅ 

ଖିଆଲି ମନର ଭାବ

ହୃଦୟର କଥା କହୁଛି ତୁମକୁ

ଉତ୍ତର ନିଶ୍ଚୟ ଦେବ ।

ଥିଲ ତୁମେ ଦୂରେ ମନ ଆଜି ଝୁରେ

କରିବାକୁ ହୃଦରାଣୀ

ରାଜି ହେବ ଯଦି ଆଗକୁ ବଢିବି

ଲେଖିବି ନୂଆ କାହାଣୀ ।

ସ୍ୱପ୍ନ ମୁଁ ଦେଖିଛି ମନ ଅଗଣାରେ

ତୁମକୁ ନେଇ ମୋ ମନେ

ମନ ମୋର ଚୋରି କରି ଅଛି କିଏ

ତମେ ହିଁ ତ ଅଟ ଜଣେ ।।