ପ୍ରିୟା ର ସନେଟ୍

ଯେବେ ଯେବେ ଶୁଣାଯାଏ ନିଶାରେ ନିଶବ୍ଦର କାହାଣୀ

ତୁମ କଥା ମନେ ପଡେ କେବେ ଥିଲ ମୋର ରାଗିଣୀ ।

ସନ୍ଧ୍ୟାରେ ନୀରବି ଆସ ତୁମେ ଚୁପି ଚୁପି ପାଖେ ବସ

ଝିପି ଝିପି ବର୍ଷାରେ ତୁମେ ଚାହିଁ ମୋତେ ଖିଲି ଖିଲି ହସ ।

ସେ ହସ ସହିତ ପୁଣି ତୁମ ଚୁପ୍ ଚାପ୍ ଟୁପ୍ ଟାପ କଥା

ସାଥି ତୁମକୁ ଦେଖି ବର୍ଷା ଲାଜେଇ ଯାଏ ମନେ ନେଇ ଈର୍ଷା ।

ତୁମେ ସିନା ଗୀତ ଗାଅ ମେଘ ମଲ୍ଲାର ରାଗରେ

ମୁଁ ଏକା ସାଥି ଚାହିଁ ଥାଏ ତୁମକୁ ନିର୍ଭିଜା ନୟନରେ ।

ଭିଜିଥିଲେ ଆମେ ଦୁହେଁ ପ୍ରେମରେ ସେହି ବର୍ଷା ରାତିରେ

ତୁମେ ଥିଲ ମୁଁ ଥିଲି ଆଉ କେହି ନଥିଲେ ପ୍ରେମ ଥିଲା ପାଖରେ ।

ଜାଣେନା ଜାଣେନା ପ୍ରିୟତମା ତୁମେ ଅଛ କି ନିକଟରେ

ଲେଉଟାଣି ପକ୍ଷୀ ବାହୁଡିବ କାହିଁ କେଉଁ ତୁମେ ଦୂର ପ୍ରବାସରେ ।