End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Trupti Paikaray

Abstract Inspirational Romance


1.8  

Trupti Paikaray

Abstract Inspirational Romance


"ବର୍ଷା"

"ବର୍ଷା"

1 min 13.8K 1 min 13.8K

ବର୍ଷା

(ଏକ ଗଜଲ)

ମନର କୋହ ଯେବେ ଜମାଟ ବାନ୍ଧେ,

ମେଘୁଆ ଆକାଶରେ,

ମିଳନ ଆଉ ବିରହର ରାଗିଣୀରେ,

ପ୍ରେମର ଦହନରେ,

ମତୁଆଲା ହେଇ

ବର୍ଷା ଗଜଲ ଗାଏ,

ବର୍ଷା ଏକ ଗଜଲ I

 

(ବାସ୍ନା)

ଭିଜାମାଟି,

ସ୍ମୃତି ବାଲକୋନୀରୁ

ପ୍ରେମ ମଧୁମାଳତୀ,

ଆଉ ତା ସାଙ୍ଗକୁ,

ପ୍ରିୟI ଦେହର ସେ

ମିଠାମିଠା ବାସ୍ନା,

ଆଜି ଅତୀତରେ ବିଲୀନ,

ହେଲେ ବର୍ଷାରେ ବେଶ ତାଜା,

ବର୍ଷା ଏକ ବାସ୍ନା I

 

(ସ୍ମୃତି)

ବର୍ଷା ଏକ ସ୍ମୃତି ସେଇ ପିଲାଦିନର,

କଳାହାଣ୍ଡିଆ ମେଘ ଦେଖି

ମାଆ କୋଳରେ ଲୁଚିବାର,

ବାପାଙ୍କ ଫେରିବା ବାଟକୁ ଚାହିଁ ମାଆ କାନ୍ଦିବାର I

ଅସରାଏ ବର୍ଷିଯିବା ପରେ,

 ଆମ୍ବବାଡିରୁ ଆମ୍ବ ଗୋଟେଇ ଭାଇ ସହ ଭାଗିଦାରୀ କରିବାର I

ପୁଣି ବର୍ଷା ଏକ ସ୍ମୃତି ସେଇ ଯୌବନର,

ବର୍ଷା ଦେଖି ପ୍ରିୟI ପାଇଁ ଦି ପଦ ଗୀତ ଗାଇବାର,

ଆଉ ଅଫେରା ଅତୀତକୁ ଝୁରିହେଇ

ପୁଣି ଆଗକୁ ଚାଲିବାର I

(ସ୍ୱପ୍ନ )

ଟୋପାଏ ବର୍ଷା

ଟିକିଏ ଭିଜେଇଦେଲେ,

ସାଧବବୋହୁ ଅଙ୍କାବଙ୍କା ଚାଲି ଦେଖି

ଆଖି ମସଗୁଲ ହୁଏ,

ମନ ସ୍ୱପ୍ନ ଦେଖେ,

ପ୍ରେମିକ ତା ପ୍ରେମୀର,

ବୀଜ ଅଙ୍କୁରିତ ହେବାର,

ଫୁଲ ପ୍ରସ୍ଫୁଟିତ ହେବାର

ଆଉ ଫଳ ମଧୁ ସଂଚାରିବାର I

 

(ଆଶା )

ବର୍ଷା ଏକ ନୂଆ ଆଶା ପ୍ରିୟI ସହ ମିଳନର,

ଖାଲି ଟିକେ ଭିଜିଭିଜି,

ପ୍ରିୟI ବିରହରେ ଲୁଚିଲୁଚି କାନ୍ଦିବାର I

ବର୍ଷା ଏକ ଆଶା ସପ୍ତରଙ୍ଗଭରା ଜୀବନ ଇନ୍ଦ୍ରଧନୁର,

କବିର ସେଇ ଦି ଧାଡି କବିତା ହେବାର,

ଆଉ ସୁନେଲି ସବୁଜିମାର,

 

 

ସମାପ୍ତ....

By: Trupti Paikaray


Rate this content
Log in

More oriya poem from Trupti Paikaray

Similar oriya poem from Abstract