ପ୍ରଥମା

ତୁ ମୁଁ ସିନା ପ୍ରଥମ ହୋଇଛେ

ଆଜିର ଏ ପ୍ରଥମାଷ୍ଟମୀ ରେ,

ହେଲେ ଆଜି ପୁଣି କେତେ ପ୍ରଥମ

ବୁଲୁଛନ୍ତି ଫୁଙ୍ଗୁଳା ଦେହରେ ।

ଆଉ କିଏ ଥିରି ଥିରି କହେ,

ଆସ ବିଞ୍ଚି ଦେବି ଚିରା ପଣତରେ,

ତଥାପି ଏ ପଣତ ଟା ବି କମ୍ ପଡେ

ଭିଜି ବାକୁ କେତେ ଟୋପା ଉତପ୍ତ ଲୁହରେ ।।

ଝାଉଁ ଗଛ ଫାଙ୍କ ରୁ ଦେଖା ଯାଏ

କେତେ କେତେ ଶୁଖିଲା ମୁଁହ 

ସେ ମୁଁହ ରେ ଦାନା ଟିକେ ନାହିଁ

ଆମେ ଭିଜୁଛେ ପିଠା ପଣା ରେ ।।

ଅସୁମାରି ସ୍ବପ୍ନ ଏଠି କାହାର ଫାଙ୍କା

କିଏ ବିନା ସ୍ୱପ୍ନେ ଭିଜେ ଦୁଧ ଭାତରେ

ପାଣି ଟୋପେ ପାଉନାହିଁ ମା ଟିଏ ଏଠି

ଦୁଧ ଝରିବ କାହୁଁ ତା ଦୁଇ ଥନରେ।।