ତୁମ ନୀରବତା

ବିସ୍ତୃତ ମନର ଅବ୍ୟକ୍ତ କାହାଣୀ

  ସଜାଏତ ନୀରବତା

କହି ହୁଏ ନାହିଁ ସହି ହୁଏ ନାହିଁ

  ଭରଇ ମନେ ଦୁଶ୍ଚିନ୍ତା ll

ସମୟ ଖଞ୍ଜିତ ନିର୍ଘଣ୍ଟ କାଳରେ

  ସମାପ୍ତ ହୁଏ ଜୀବନ

ସୀମିତ ସମୟେ ଜୀବନର ପଥ

  ତପ୍ତ ବାଲି କଣ୍ଟାବନll

ମନର ବେଦନା ବୁଝେନି କେ ଏଠି

  ବୁଝେନି କେ ନୀରବତା

ନୀରବତା ନୁହେଁ କେବଳ କ୍ଲାନ୍ତର

  ପଶ୍ଚlତେ ଅନେକ ବ୍ୟଥା ll

ସବୁ ସ୍ଥଳେ ନୀରବତା ଶୋଭା ନୁହେଁ

  ନୀରବତା ଅସ୍ତ୍ର କରି

ବୃଥା ଅପଯଶ ବୃଥାର କଟାକ୍ଷ

  ସହିବାକୁ ପଡେ ଭାରି ll

କିଛି ନୀରବତା ମରୀଚିକା ସମ

  ଅନ୍ଧାରି ଜୀବନ ଆଣେ

କିଛି ନୀରବତା ଆତ୍ମ ଚିନ୍ତନର

  ପ୍ରେରଣା ଭରଇ ମନେ ll