ନଈର ଖୁସି
ନଈର ଖୁସି
ଆଷାଢ଼ ମାସରେ ବରଷା ଆସଇ
ମେଘୁଆ ଆକାଶ ଧରି ,
କଳାକଳା ମେଘ ଆକାଶ ବକ୍ଷରେ
ଚାରିଆଡ଼େ ଯାଏ ଭରି ।।
ଗିରିଷମ ତାପେ ଜୀବଜନ୍ତୁ ସାଥେ
ଉଦ୍ଭିଦ ପାଆନ୍ତି କଷ୍ଟ ,
ନଈ ଶୁଖିଯାଏ ମାଟି ଶୁଖିଯାଏ
କୁଟା କାଠି ହୁଏ ନଷ୍ଟ ।।
ବରଷା ପଡ଼ିଲେ ନୂଆ ରୂପ ଧରି
ଶାଗୁଆ ଧରଣୀରାଣୀ ,
ନଈରେ ନାଳରେ ପାଣି ସୁଅ ଚାଲେ
ସୁଖର ସୂଚନା ଆଣି ।।
ଚଷାଭାଇ କ୍ଷେତେ କାମ କରିଚାଲେ
ମୁହଁରେ ଫୁଟାଇ ହସ ,
ଧରଣୀ ମାଆର ସବୁଜ ପଣତ
ସଭିଙ୍କୁ କରଇ ବସ ।।
ବରଷା ରାଣୀ ର ଆଗମନ ଦେଖି
ନଈର ଖୁସି ବଢ଼ଇ ,
ନଈର ଖୁସି ରେ ଜୀବଜନ୍ତୁ ଖୁସି
ବଞ୍ଚିବାର ରାହା ନେଇ ।।