ପ୍ରତିବାଦ୍

ମୁନୁଷ୍ ଜୀବନ୍ ପାଇଛୁ ବେଲେ

ନିଜର୍ ହକ୍ ଲାଗି ଲଢବୁ,

ଯେତେ ଝଡ୍ ,ତୁଫାନ୍ ଆଏଲେ ବି

କାହାକେ ନାଇଁ ଡରବୁ ।

ସତ୍ ବାଟେ ସବୁବେଲେ ଚାଲୁଥିବୁ

ଡରବୁ ନାଇଁ କାହାକେ,

ଯିଏ ମିଛ୍ ରାସ୍ତା ଦେଖେଉ ଥିବା

ପ୍ରତିବାଦ୍ କରବୁ ତାହାକେ ।

ନିଜର୍ ଦମେ ,ନିଜେ ଠିଆ ହେବୁ

ମାନ୍ ଅପମାନ୍ ସହି,

ଯେନ୍ ଠାନେ ଦେଖବୁ ଅସତ୍ ରାସ୍ତା

ସେଠାନେ ଯିବୁ ରହି ।

ହେଉ ଥାଉ ସେ ଯେତେ ମହାନ୍

ପାରୁ ପର୍ଯ୍ୟନ୍ତ ଲଢୁଥିବୁ ,

ସତ୍ ରାସ୍ତା କେ ଦେଖାବାର୍ ଲାଗି

ପ୍ରତିବାଦ୍ କରୁଥିବୁ ।

ମିଛର୍ ଢୁଣା ଭରବା, ଦିନେ ନା ଦିନେ

ହେଉଥାଉ ଯେତେ ଗାଢା,

ଅନ୍ଧାର୍ କେ ହରେଇ ,ଉକିଆ ହେବାରେ

ଇ କଥା ସୋର୍ ରଖିଥା ।

ପ୍ରତିବାଦ୍ କରବୁ ତୋର୍ ହକ୍ ଲାଗି

ନ୍ୟାୟ୍ ଦିନେ ମିଲ୍'ବା,

ସବୁ ଭଗବାନ୍ ଉପୁରେ ଦେଖୁଛେ

ତୋର୍ କଥା ସବୁ ସୁନ୍'ବା ।