କାଳିଆ

ଭାବ ଭକତିରେ ଡାକୁଛି କାଳିଆ

ଥରେ ଦେ ତୋ ଦରଶନ,

ରଥଯାତାର ଦେଖିବି ତୋହରି

ଏତିକି କରେ ନିବେଦନ ।

ନିବେଦନ ମୋର ଶୁଣିବା ହେଉ ହେଁ

ତୁମେ ଜଗତର ନାଥ,

ଭକତ ଡାକିଲା ବୋଲି ହୋ ସାଆନ୍ତେ

ଅଟକିଗଲା ତୁମ ରଥ ।

ରଥକୁ ଟାଣିବି କୁନି ହସ୍ତେ ମୋର

ବଡଦାଣ୍ଡରେ ତୁମରି,

ଡୋରି ଲଗେଇଦେ ଯିବି ଶ୍ରୀକ୍ଷେତ୍ର

ଦେଖିବି ତୁମକୁ ହରି ।

ହରି, ହରି ନାମ ଜପି,ଜପି କାଁ 

ସରି ଯାଏଁ ମୋ ଜୀବନ, 

ସଞ୍ଜ,ହେଉ ଅବା ସକାଳ ହେଉ

ତୋ ପାଖେ ଅଛି ମୋ ମନ ।

ମନ ମନ୍ଦିରରେ ସାଇତି ରଖିଛି

ତତେ ରେ କାଳିଆ ରଜା,

ଭାବ ଲଗେଇଦେ ଭକତି ଡୋରିରେ

ତୋ ସାଥେ କରିବି ମଜା ।