ଆଧୁନିକା ନାରୀ
ଆଧୁନିକା ନାରୀ
ଆଜି କେତେ ନାରୀ ଆଧୁନିକା ସାଜି
ଦେଖାନ୍ତି ଯେ କରାମତି ,
ଆମ ସଂସ୍କୃତିକୁ ପଛରେ କରିଦେଇ
ଯାଆନ୍ତି ସେଥିରେ ମାତି ।
ଚାଲି ଚଳଣିରେ ରଙ୍ଗଢଙ୍ଗ ଏବେ
ସେବା ଭାବ ଆଉ ନାହିଁ ,
ମାନ ଖାତିରିକୁ କିଏ ବା ପଚାରେ
ବେପୁରୁଆ ଢଙ୍ଗ ପାଇଁ ।
ବେଶ ପୋଷାକରେ ନିଜକୁ ସଜାନ୍ତି
ଯେଉଁଠି ନ ଥାଏ ସଜା ,
ପରିବାର ସମାଜେ ବେଖାତିର ଭାବ
ଦେଇଥାଏ ଲୋକ ଲଜ୍ଜା ।
ନାରୀ ପରା ସିଏ ଛାୟା ଓ ଜନନୀ
ଭଗିନୀର ରୂପ ନେଇ ,
ଶ୍ରଦ୍ଧା ଭକ୍ତି ପ୍ରେମ ବାଣ୍ଟି ନ ପାରିଲେ
କେଉଁ ନାରୀରେ ବା ଯାଇ ।
ସମୟ ଧାଇଛି ଯୁଗ ଆଗେଇଛି
କିଛି କର ମନା ନାହିଁ ,
ଯେଉଁ କାମ କଲେ ସମ୍ମାନ ବଢ଼ିବ
ସେ କାମେ ଚାଲ ଆଗେଇ ।