ଶିଶୁ ଟିଏ ଯେବେ

ମାଆ କୋଳ ଛାଡି ଶିଶୁ ଟିଏ ଯେବେ

ଶିକ୍ଷା ଅନୁଷ୍ଠାନ ଯାଏ

ଶିଶୁ ସାଥେ ମିଶି ପରିବେଶ ତାକୁ

ମହ ମହ ବାସୁଥାଏ ।



ଶିକ୍ଷକ ଶିକ୍ଷୟିତ୍ରୀ ଶିକ୍ଷା ଅନୁଷ୍ଠାନ

କଉତୁକ ଶିକ୍ଷା ଧାରା

ଯେବେ ଧୀରେ ଧୀରେ ଶିଶୁ ଗହଣରେ

ପାଇ ହୁଏ ଆତ୍ମହରା ।

ମାଆର ମମତା ପରିବାର ଭୁଲି

ଶିକ୍ଷାରେ ଦିଅଇ ମନ

ଭଲ ପାଠ ପଢ଼ି ଗାରିମା ବଢ଼ାଏ

ଖୁସି ହୁଏ ଅନୁଷ୍ଠାନ ।

ଶିକ୍ଷକ ଶିକ୍ଷୟିତ୍ରୀ ଅନ୍ୟ କାମ ଛାଡି

ଶିକ୍ଷାରେ ଦିଅନ୍ତି ଧ୍ୟାନ

ଶିକ୍ଷା ଆଉ ବିଦ୍ୟା ହୋଇବ ସହଜ 

ଶିଶୁଏ ହୋଇବ ଧନ୍ୟ ।

ଶିକ୍ଷା ବିଦ୍ୟା ଦୁଇ ଏକାଠି ହୋଇଲେ

ରୂପ ନିଏ ବିଦ୍ୟାଳୟ

ଶିଶୁଙ୍କ ଜୀବନ ହୋଇବ ସାର୍ଥକ

ହେବ ଯଦି କର୍ମମୟ ।