Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

rasmi maye pati

Inspirational

3  

rasmi maye pati

Inspirational

ନୌକା

ନୌକା

1 min
234



ଅଥଳ ସାଗରେ ଅସଂଖ୍ୟ ନଉକା

  ଛାଡି ଦେଲ ପ୍ରଭୁ ହେ ନାରାୟଣ

ମୋହରି ଭାଗରେ ଦଦରା ନାବଟି

  ତଥାପି ତାକୁ ମୁଁ କଲି ଗ୍ରହଣ ।

ତୁମ ଦାନ ବୋଲି ଆକଣ୍ଠ ଖୁସିକୁ

   ଗ୍ରାସି ଗ୍ରାସି କଲି ନୌ ଚାଳନ 

ଥଳ ପାଉ ନାହିଁ କୂଳ ପାଉ ନାହିଁ

  ଉପାୟ ଶୂନ୍ୟ ମୁଁ ପରମ ବ୍ରହ୍ମ ।

ବୁଡି ଯିବି କାଳେ ଘୋର ଗଣ୍ଡ ଜଳେ

  ବାଟ ଦେଖା ସଖା ନାବକୁ ମୋର

ବିନ୍ଦୁଟିଏ ମାତ୍ର ହୋଇବ ଯଥେଷ୍ଟ

   ଆଶିଷର ରଜୁ ଟାଣ ଠାକୁର ।

ବୁଡି ଯିବି ଯେବେ ଦୟା ସାଗରରେ

  ଲୀନ ହୋଇଯିବି ସାଗର ବକ୍ଷେ

କଥା ଦିଅ ହରି ଶେଷ ଅଭିଳାଷ 

 ପୂରଣ କରିବ ଆନନ୍ଦ ଚିତ୍ତେ ।

ପୁନର୍ଜନ୍ମ ଯଦି ଦବ ଦୟାମୟ

   ମୋହରି ନାବର ହେବ ନାଉରୀ

ଧନ୍ୟ ହେବି ପ୍ରଭୁ ଜଗତର ନାଥ

  ଦଦରା ନାବ ରେ ହେବି ମୁଁ ପାରି ।

ଦୟାମୟ ପ୍ରଭୂ ଦୟା ସାଗରରୁ 

  ବିନ୍ଦୁଟିଏ ଦୟା ମାେ ପାଇଁ ଦବ

ନାବ ମୟ ଏଇ ସଂସାର ସାଗରେ

 ଦଦରା ନାବର ନାଉରୀ ହେବ ।



Rate this content
Log in