ଲାଇବ୍ରେରୀ
ପ୍ରୋଫାଇଲ୍
ଶୁଣ ହେ ମହାପୁରୁଷ
ଶୁଣ ହେ ମହାପୁରୁଷ
କମ୍ପେ ମଇଦାନ ଆଜି ଘନ ଘନ
କମ୍ପି ଉଠେ ପୁର ପଲ୍ଲୀ
ସ୍ବାଧିନ ସ୍ଲୋଗାନ ପ୍ରତିଧ୍ଵନି ମାନ
ଗୁଞ୍ଜରିତ ହୁଏ ଖାଲି
ଆଉ, କେତେ ବାହାସ୍ପଟ ମାରି
କହିବୁ ସ୍ଵାଧୀନ ହୋଇ ପରାଧୀନ
ନିତି ପଡ଼ିଥାଉ ବଳି ।।
ଜୟ ଜୟ ଗାନ ଶୁଣୁଅଛି କର୍ଣ୍ଣ
ଶୁଣ ହେ ମହାପୁରୁଷ
ସ୍ୱର୍ଗେ ରହି ତୁମେ ଦେଖ ଏହିକ୍ଷଣେ
ହାତେ ଗଢିଥିବା ଦେଶ
ତୁମ, ବଂଶଧର କାପୁରୁଷ
ମୁଖରେ ଅମୃତ ବାକ୍ୟ ବୀର ସତ
ଅନ୍ତରେ ଭରିଛି ବିଷ ।।
ବିଦେଶୀ ଶାସନ ହେଲା ବେଇମାନ
ପିଉଥିଲେ ରାଜା ରକ୍ତ
ସ୍ୱଦେଶୀ ଶାସନେ ଓଡସ ସମାନେ
ଝୁଣି ପିଅନ୍ତି ଶୋଣିତ
ବନ୍ଧା, ଟଙ୍କା ପାଶେ ଗଣତନ୍ତ୍ର
ନୁହେଁ ଗଣତନ୍ତ୍ର ଇଏ ସ୍ୱାର୍ଥତନ୍ତ୍ର
ସ୍ବାର୍ଥ ତାଙ୍କ ମୂଳମନ୍ତ୍ର ।।
ବିଚ୍ ବଜାରରେ ନିଲାମ ଯେ ହୁଏ
ନିରୀହର ସନମାନ
ଦେଖୁଥାଅ ତୁମେ ହେ ମହାପୁରୁଷ
ଏଇ କଣ ପ୍ରତିଦାନ
ତୁମ, ଆଦର୍ଶର ଗୁଣ ଗାନ
କୁହନ୍ତି ମୁଖରେ ଓଲଟା କାମରେ
ଦେଶ ବଡ଼ପଣ୍ଡା ଗଣ ।।
ଅହିଂସାର ପଥେ ଥାଇ ଅବିରତେ
ବିଦେଶୀଙ୍କୁ ଦେଲ ତଡି
କେଇଟା ଦିନରେ ଏ ମାନବ ଭୁଲେ
ହିଂସାକୁ ଧରେ ଜାବୁଡି
ମିଛେ,ସଭାରେ ଛାଡନ୍ତି ରଡ଼ି
ସଭା ଅବସାନେ ସ୍ବାର୍ଥ ମଇଦାନେ
ଖୋଲନ୍ତି ସ୍ୱାର୍ଥର ପେଡ଼ି ।।
