ବଣିର ଉଡାଣ

ଶୂନ୍ୟ କୋଠରିରେ ସାଧା କାଗଜରେ 

   କଣ କରୁଥିଲା କେଜାଣି ସେ ବଣି

ମିଶାଣ କରିଲା ଦିଗ ହଜିଗଲା

   ଆରମ୍ଭିଲା ବଣି ଫେଡାଣ ପୁଣି ।

ଗୁଣି ଗୁଣି ବଣି ହାଲିଆ ହୋଇଲା

  ହରଣ ପରେ ହରଣ କରିଲା

ଅଙ୍କ କଷା ଦିନେ ସରିଲା ବଣିର

  ଅଦିନ ଝଡ ଟି ମାଡି ଆସିଲା ।

ଶୂନ୍ୟ କୋଠରି ଟି ପଡି ରହିଥିଲା

  ସାଧା କାଗଜ ଟି ଶୂନ୍ୟ ହୋଇଲା

ବଣି ଉଡିଗଲା ଦୂର ରାଇଜକୁ

 ଦୁଇ ବୁନ୍ଦା ଲୁହ ସାଥିରେ ନେଲା।

ସବୁ ଅଙ୍କ କଷା ମିଥ୍ୟା ଥିଲା ତାର

  ଉଡାଣ କେବଳ ସତ୍ୟ ହୋଇଲା

ଅଦିନ ଝଡ ଟି ସୁନିଶ୍ଚିତ ଏଠି 

 ଚିରନ୍ତନ ସତ୍ୟ ଅପ୍ରିୟ ହେଲା ।