ଲାଇବ୍ରେରୀ
ପ୍ରୋଫାଇଲ୍
ଜୟ ଲାଲ ବାହାଦୂର
ଜୟ ଲାଲ ବାହାଦୂର
ଜୟ ଲାଲ ବାହାଦୂର
ଶାସ୍ତ୍ରୀ ହେ ତୁମେ ପୁନରାୟ ଆସ ଫେରି
ତୁମ ଦିବ୍ୟ ଶୁଭ ସୁନ୍ଦର ଗୁଣକୁ ଏବେବି ହେଉଛୁ ଝୁରି
ତୁମ ଶୁଭ୍ର ଶୁଭ ରୂପରେ ମୋହିତ ଚକ୍ଷୁ ପଟଳରେ ମୋର
ସପନେ କି ଜାଗରଣେ ଉଦ୍ଭାସିତ ହେଉଅଛି ନିରନ୍ତର
କିଆଁ ଅଦିନରେ ଅବେଳେ ଆମକୁ ଗଲ ତୁମେ ପରକରି
ଶାସ୍ତ୍ରୀ ହେ ତୁମେ ପୁନରାୟ ଆସ ଫେରି ।।
ଅନେକ ଦ୍ଵନ୍ଦ ରେ ଛନ୍ଦି ହେଲୁଣି ଆମେ
ବୁଦ୍ଧି ଦିଶୁନାହିଁ ବାଟ ମିଳୁନାହିଁ ଦୁଶ୍ଚିନ୍ତାରେ ମୁଣ୍ଡ ଭ୍ରମେ
ଦିଗ୍ ଦର୍ଶନ ଦେବାପାଇଁ ଜଣେ ଖୋଜିଲେ ମିଳେ ନି ଏଠି
କେମିତି ଅଚିନ୍ତା ହୋଇ ତୁମେ ଆଜି ବସିଅଛ ଯାଇ ସେଠି
ଏକାକାର ଲାଗେ ଭୂମି ଭୂମା ପ୍ରାଣ ଅସ୍ଥିର ଜୀବନ ଯାମେ
ଅନେକ ଛନ୍ଦରେ ଛନ୍ଦି ହେଲୁଣି ଆମେ ।।
ତମିସ୍ରା ରଜନୀ ଅନ୍ଧାରୁଆରେ ଆଜି
ଜୀବନର ତରୀ ଟଳମଳ ହୁଏ ହୃଦୟ ଯାଉଛି ଭାଙ୍ଗି
ତଥାପି ତୁମରି ଚଲାପଥ ଆମେ କରୁଛୁ ଅନୁସରଣ
ଅଲିଭା ଦୀପାଳି କେମିତି ଲିଭିଲା ମାନୁନାହିଁ ମୋଟେ ମନ
ଲାଲ ବାହାଦୁର ତୁମେ ଦିଗ୍-ଦର୍ଶକ ଆମ ନଉକାର ମାଝି
ତମିସ୍ରା ରଜନୀ ଅନ୍ଧାରୁଆ ରେ ଆଜି ।।
ଜୟ ଯବାନ ଜୟ କିଷାନ ଜୟ ଭାରତ ମାତାର ଜୟ
ଜୟ ଜୟ ଲାଲ ବାହାଦୂର ଶାସ୍ତ୍ରୀ ଅମ୍ଳାନ ପ୍ରତିଭା ଜ଼ୟ ।।
