ସଙ୍କଟମୋଚନ

କୁରୁକ୍ଷେତ୍ର ରଣାଙ୍ଗନେ ଲାଗିଛି ସମର l

ମୁହାଁ ମୁହିଁ ଛିଡ଼ା କର୍ଣ୍ଣ ପାର୍ଥ ଧନୁର୍ଦ୍ଧର ll

ନନ୍ଦିଘୋଷ ରଥେ ବିଜେ ଶ୍ରୀକୃଷ୍ଣ ସାରଥୀ l

କର୍ଣ୍ଣ ରଥ ଚାଳୁଥାନ୍ତି ଶଲ୍ୟ ମହାରଥୀ ll

ନନ୍ଦିଘୋଷ ଧ୍ଵଜେ ବିଜେ ପବନ ନନ୍ଦନ l

ତୀକ୍ଷ୍ମ ଦୃଷ୍ଟିରେ କରନ୍ତି ଯୁଦ୍ଧ ନୀରିକ୍ଷଣ ll

ଥରହର ରଣଭୂମି ବୀରଙ୍କ ହୁଙ୍କାରେ l

ପେଷୁଥାନ୍ତି ମହା ଅସ୍ତ୍ର ବୀର ପରସ୍ପରେ ll

ଶ୍ରୀଗୁରୁ ସ୍ମରି ରା଼ଧେୟ ପେଷିଲେ ସର୍ପାସ୍ତ୍ର l

ନନ୍ଦିଘୋଷ ସଙ୍ଗେ ଗିଳି ଦେବ ସେ ସମସ୍ତ ll

ଶ୍ରୀକୃଷ୍ଣ ଚିନ୍ତିଲେ ଆହେ ହେ ବୀର ମାରୁତି l

ଏ ସଙ୍କଟ କାଳେ ତୁମ୍ଭେ ଅଟ ଏକା ସାଥି ll

ମହାଭାରେ ଚାପି ତୁମ୍ଭେ ନନ୍ଦିଘୋଷ ରଥ l

ପାତାଳେ ପଶିଲା ସର୍ପ ବାଣ ଗଲା ବ୍ୟର୍ଥ ll

ତୁମ୍ଭର ମହିମା କେହି ବଖାଣି କି ପାରେ ? 

ମାରୁତି ସଙ୍କଟ ହର ତୁମ୍ଭେ ଏ ସଂସାରେ ll

ଆଞ୍ଜନେୟ ରାମ ଦୂତ ମାରୁତି ନନ୍ଦନ l

ସଙ୍କଟମୋଚନ କରେ ଚରଣ ବନ୍ଦନ ll