ଶୀତବସ୍ତ୍ର
ଶୀତବସ୍ତ୍ର
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
359
ମିତରେ ମିତ ଆସିଲା ଶୀତ
ଡରାଇଲାଣି ଯେବେ
ବଜାର ଯାଇ ଶୀତ ବସନ
କିଣି ଆଣିବା ଏବେ ।
ନଥିବ ଡର ଶୀତକୁ ଆମ
ବାନ୍ଧିବା ମଫଲର
ଜାକେଟ୍ ଗ୍ଳୋଭ୍ସ ସକ୍ସ ପିନ୍ଧି
କରିବା କାରବାର ।
ଚାଦର ଅବା ଶାଲ୍ ଗୋଟିଏ
ଦେହରେ ପକାଇବା
ରାତି ହୋଇଲେ କମ୍ବଳଟିଏ
ଆମେ ଘୋଡାଇ ହେବା ।
ଅଧିକ ଶୀତ ଆସିବ ଯେବେ
ରେଜେଇଟିଏ ଆଣି
ରାତିରେ ଆମେ ଘୋଡେଇ ହେଲେ
ଶୀତ ହାରିବ ଜାଣି ।
ମଥାରେ ଥିବ ଉଲେନ୍ ଟୋପି
ସଞ୍ଜ ସକାଳେ ତୋର
ଶୀତ ବସନ ଦେହରେ ଥିଲେ
ଶୀତକୁ କିଆଁ ଡର ।
ଗରମ ସାର୍ଟ ପ୍ୟାଣ୍ଟ କୋଟ୍
ପିନ୍ଧିବା ଯଦି ଆମେ
ନଥିବ ଶୀତ ଶୀତକୁ ତେବେ
ଡରିବା କିଆଁ ଆମେ ।
ଭଳିକି ଭଳି ଶୀତ ବସନ
ମିଳୁଛି ବଜାରରେ
ଯାଇ ଦେଖିବା ଭଲ ଲାଗିବ
କିଣି ଆଣିବା ଥରେ ।
ଗରିବ ଲୋକ ଦେଖ ବାଣ୍ଟିବା
ଶୀତ ବସନ କିଛି
ଶୀତରୁ ଟିକେ ରକ୍ଷା ପାଇବେ
ମନରେ ମୋର ଅଛି ।