ବିଜ୍ଞାନ

ପ୍ରକୃତିରାଣୀ ଓଢଣୀ ଟାଣି

ବସି ରହିଛି ସିନା ।

ଓଢଣୀ ଖୋଲି ପରଖି ତାକୁ

ବିଜ୍ଞାନ ଆଣେ କିନା ?

ବିଶେଷ ଜ୍ଞାନ ଅଟେ ବିଜ୍ଞାନ

ପରା ଅପରା ସବୁ ।

ପ୍ରକୃତି ସତ୍ତା ବିଜ୍ଞାନ ବୋଲି

ଜାଣ ତା ସବୁ ବିଭୁ ॥

ଅହଂ ମିଶାଇ ତା ସଙ୍ଗେ ମନେ

ନିଜେ କର ବିଚାର ।

ସମନ୍ଵିତ ଏ ବିଶେଷ ଜ୍ଞାନ

ବିଜ୍ଞାନ ହେତୁକର  ॥

ଏକ ଜ୍ଞାନକୁ ପରଖି ତାକୁ

ବୈଜ୍ଞାନିକ ସିଦ୍ଧାନ୍ତ ।

ଅନୁମାନ ଓ ପ୍ରମାଣ ସହ

ବିଜ୍ଞାନ ହୁଏ ଖ୍ୟାତ  ॥

ସୁବ୍ୟବସ୍ଥିତ ପ୍ରଣାଳୀ ସହ

ପଦାର୍ଥ ବସ୍ତୁ ଆଦି ।

ଆଲୋଚନା ପରୀକ୍ଷା ନୀରିକ୍ଷା

ଗବେଷଣା ସମ୍ପାଦି  ॥

ଅନୁମାନ ପଠନ ଶିଖିବା

ଶୈଳୀ ବୁଝ ବିଜ୍ଞାନ ।

ପ୍ରାକୃତିକ ସାମାଜିକ ଓ

ଆନୁଷ୍ଠାନିକ ବିଜ୍ଞାନ ॥

ପଦାର୍ଥ ତଥା ବସ୍ତୁ ବିଜ୍ଞାନ

ପଦାର୍ଥମାନଙ୍କର ।

ଗତି ଶକତି ବଳ ସମ୍ବନ୍ଧେ

ବିସ୍ତୃତିର ଆଧାର ॥

ରସାୟନ ବିଜ୍ଞାନ ଗଠନ

ଗୁଣ ପରିବର୍ତ୍ତନ ।

ପ୍ରତିକ୍ରିୟାଶୀଳତା ଆଧାର

କରଇ ପ୍ରଖ୍ଯାପନ ॥

ଉଦ୍ଭିଦ ଜୀବ ପ୍ରାଣୀ ବିଜ୍ଞାନ

ସାମାଜିକ ବିଜ୍ଞାନ ।

ଗଣିତ ପ୍ରାକୃତିକ ବିଜ୍ଞାନ

ପୁଣି ମନୋବିଜ୍ଞାନ  ॥

ତଥ୍ୟ ସଂଗ୍ରହ ତର୍ଜମା ତାର

ଅନୁମାନ ପରୀକ୍ଷା ।

ନୀରିକ୍ଷା ଯୁୁକ୍ତିିଯୁୁକ୍ତତା ସହ

ଉପସଂହାର ଶିକ୍ଷା  ॥

ନୂତନ ଉଦ୍ଭାବନ ଅଥବା

ଆବିଷ୍କାର ବାରତା ।

ବିଜ୍ଞାନ ଦିଏ ଆଲୋକ ଦୀପ୍ତି

ବୈଜ୍ଞାନିକ ତା ପିତା ॥