ସମ୍ପର୍କର ଶେଷ ପ୍ରଶ୍ନ
ସମ୍ପର୍କର ଶେଷ ପ୍ରଶ୍ନ
ପରସ୍ପର ମଧ୍ୟେ ଭାବ ବିନିମୟ ହେଉ ହେଉ
ମନକୁ ଛୁଇଁ ଯାଏ ଯେବେ ମଧୁର ଭାଷା
ଚୁମ୍ବକ ଭଳି ଆକର୍ଷି ନିଏ ନିର୍ମଳ ହୃଦୟକୁ
ଗଢି଼ ଉଠେ ସମ୍ପର୍କ ହୁଏ ଚିହ୍ନା ପରିଚୟ ll
ଦୂରରୁ ହେଲେ ନିକଟତର ବଢି଼ଯାଏ ଆତ୍ମୀୟତା
ଦୁଃଖରେ ସୁଖରେ ଉଭୟେ ମିଳାଇ ହାତ
କରୁଥାନ୍ତି ନିଜ ସାମର୍ଥ୍ୟରେ ସାହାଯ୍ୟ ସହଯୋଗ
ଚାଲୁ ଚାଲୁ ଜୀବନ ରାସ୍ତାରେ ସହ ପଥିକ ହୋଇ
ମନରେ ଉଙ୍କି ମାରେ ନା ନା ପ୍ରକାର ପ୍ରଶ୍ନ ll
ଆଲୋଚନା ପର୍ଯ୍ୟାଲୋଚନାରେ ହୁଏ ସମାଧାନ
ଭାବ ସାଥେ ମିଶେ ଭାବ ମତ ସାଥେ ମତ
ରଖିବାକୁ ପବିତ୍ର ସମ୍ପର୍କର ଗୌରବ ସ୍ବାଭିମାନ
ସହିବାକୁ ହୁଏ ଅନେକ ସମୟରେ ବହୁ ବିଘ୍ନ ll
ଉଦ୍ଦେଶ୍ୟ ଥିଲେ ମହତ ସୌଜନ୍ୟମୂଳକ
ମିଳେ ସଫଳତା ହୋଇ ତାର ଆଶୁ ସମାଧାନ
ପ୍ରଶ୍ନ ଯା' ହେଉ ଉତ୍ତର ମିଳିଲେ ସନ୍ତୋଷଜନକ
ଉଭୟଙ୍କ ଭିତରେ ସଂପର୍କ ରହେ ଚିର ଅମ୍ଳାନ ll
କେବେ ଯଦି ମନକୁ ଆସେ କିଛି ସନ୍ଦେହ
କ୍ରମେ ତା' ରୂପାନ୍ତରିତ ହୋଇଯାଏ ଅବିଶ୍ଵାରେ
ଫଳତଃ ମାନସିକତା ହୁଏ ରୁଗ୍ଣ ଦୁର୍ବଳ
କୌଣସି ପ୍ରଶ୍ନର ଉତ୍ତର ଆସେନା ଅନ୍ତରରୁ
ଯେତେ ଭାବ ଭାଷା ଥାଉ ଦୁହିଁଙ୍କ ମନ ହୃଦୟରେ ll
ବିଗିଡ଼ି ଯାଏ ବନ୍ଧୁତା ହଜିଯାଏ ଆଶା ଭରସା
ଭାଙ୍ଗିଗଲେ ହୃଦୟ ସ୍ମୃତି ଯେତେ ହୋଇ ରହେ
ଚିନ୍ତା ଚେତନାରେ ସମ୍ପର୍କର ଶେଷ ପ୍ରଶ୍ନ ?