ଆଜି କାହିଁ ଲାଗୁ ତୁହି ଅଲଗା

ଆଜି କାହିଁ ଲାଗୁ ତୁହି 

ବୟସେ ଅବର

ଅଙ୍ଗେ ଅଙ୍ଗେ କୁମାରୀତ୍ଵ

ରଙ୍ଗେ କୋବିଦାର

ମୂଖ ମଣ୍ଡଳରେ ତୋର

ରୂପର ସାଗର 

ଅନିନ୍ଦିତ ଅପରୂପ

ଶୋଭା ମନୋହର

କେଉଁ ରୂପ ଶିଳ୍ପୀ ତୋତେ 

ଗଢିଥିଲେ ତୋଳି

ତୋର ରୂପ ସମ୍ଭାରରେ 

ଦେଲେ ଗନ୍ଧକଳୀ ।

ତୋର ଶିରୀ ଶୋଭା ପାଏ 

ପଟ୍ଟ ଚିତ୍ର ପରି

ତୋର ରୂପ ଆଙ୍କିଛି ସେ

କେତେ ରଙ୍ଗ ଧରି

ଗୋରା ତନୁ ଦେହ ତୋର 

ଅସ୍ତ ରବି ରଙ୍ଗେ 

ମଉନେ ବସିଛୁ ଦେଖି 

ମଦନ ବିହଙ୍ଗେ ।

ଯେତେ ରୂପ ଲାବଣ୍ୟରେ

ପାଇଛୁ ତୁ ଦେହ

ସଂଯମୀ କି ରହିପାରେ

ଛାଡ଼ି ତାର ମୋହ

ବସିବା ଠାଣିରେ ତୋର 

ଦିଶୁଛି ଗାରିମା

ଲୁଚିଯାଏ ଲଜ୍ଜା ପାଇ 

ପୂର୍ଣ୍ଣମୀ ଚନ୍ଦ୍ରମା

କାହାକୁ ଦେଖୁଛୁ ତୁହି 

ଦେଖୁ ଧ୍ୟାନ ଦେଇ 

କିଏ ସେହି ଭାଗ୍ୟବାନ

କହ ଅଛି କାହିଁ ।

ଏକ ନିଷ୍ଠା ଏକ ଲୟ

ମୁଦ୍ରାରେ ବସିଛୁ

ପ୍ରଭୁଙ୍କର ତେଜ କିବା

ବିଭୁତି ପାଇଛୁ ।

ଇଛା ମୋର ଦେଖିବାକୁ 

ଦେଖୁଥିବି ତୋତେ

ପୁଲକିତ ହେଉଥିବି 

ତନୁ ର ମହକେ ।