କଲେଜ ସମୟର କଥା

ଅନ୍ତିମ ବରଷ ସେହି କଲେଜର ଦିନ 

ଇଛା ହେଲା କାହିଁ ମୋର ହୃଦୟରେ ପ୍ରେମ

ଲୁଚି ଲୁଚି ଦେଖିଲି ମୁଁ ମୋ ଶ୍ରେଣୀ ତରୁଣୀ 

ଦେଖୁଥିଲା ସେ ବି ବୋଧେ ମୋର ମନ ଜାଣି। 

ଦେଖୁଛି ସେ ମୋତେ ଭାବି ମନେ ଖୁସି ହେଲି

ବନ୍ଧୁଙ୍କୁ ବିଶ୍ଵାସେ ନେଇ ମୋକଥା କହିଲି 

ଆଗ୍ରହରେ ପଚାରିଲେ ଝିଅ କି ସୁନ୍ଦରୀ 

ସତରେ ଦେଖୁଛି ତୋତେ ପ୍ରେମରେ ଯେପରି 

ଉତ୍ସାହ ମୁଁ ମନେ ପାଇ ଦେଖାଇଲି ଯେବେ 

କହୁଥାନ୍ତି ହସି ମୋତେ ଦେଖୁ ନାହିଁ ତୋତେ 

ଆଶ୍ଚର୍ଯ୍ୟ ଚକିତ ହୋଇ ଭାବନାରେ ଗଲି

ଭାଗ୍ୟାକାଶେ କଳା କଳା ବାଦଲ ଦେଖିଲି 

ଦୁଃଖ ଦେଖି ବନ୍ଧୁ ଜଣେ କହିଲେ ଅୟନେ 

ସେ କାହୁଁ ଦେଖିବ ତୋତେ ଦେଖ ତା ନୟନେ 

ଦେଖ ଥରେ ଆଖି ଭରି ଦେଖୁଛି କିପରି 

ଦେଖେନାହିଁ କେବେ ସିଏ କାହାକୁ ସେପରି 

ଶୁଣି ମୋର ହୃଦୟରେ ହେଲା ହୃଦାଘାତ 

ଦେଖୁନାହିଁ ମୋତେ ବୋଲି ପାଇଲି ବିଷାଦ

ଆଖିରେ ଆଖିରେ ଦିନେ ଦେଖିଲି ବିଚାରି 

ଭାଙ୍ଗିଗଲା ପ୍ରେମ ମୋର ଜାଣି ତାକୁ ଟେରୀ ।