Travel the path from illness to wellness with Awareness Journey. Grab your copy now!
Travel the path from illness to wellness with Awareness Journey. Grab your copy now!

KRUTIBAS NAYAK

Romance

4  

KRUTIBAS NAYAK

Romance

କବିତା ପର୍ବ : ଗୀତି କବିତା-08 : ପ୍ରିୟତମା : -ଡକ୍ଟର କୃତ୍ତିବାସ ନାୟକ

କବିତା ପର୍ବ : ଗୀତି କବିତା-08 : ପ୍ରିୟତମା : -ଡକ୍ଟର କୃତ୍ତିବାସ ନାୟକ

1 min
347



ମୋର ପ୍ରିୟତମା ରୂପଟି ସୁନ୍ଦର ମଧୁର ଲାଗେ ତା' କଥା,

ଚାଲିଗଲେ ସିଏ ଫୁଲ ସିନା ଫୁଟେ ମୋ ମନରେ ଲାଗେ ବ୍ୟଥା | (ଘୋଷା)


ଅଳପ ହସିଲେ ଚହଲି ଯାଏ ମୁଁ ତା' ପାଖକୁ ଘୁଞ୍ଚିଆସେ,

ଆଉ କିଏ କାଳେ ଦେଖିବ ଆମକୁ ଛାତିରେ ଛନକା ପଶେ |

ଶୀତଦିନେ ମୋର ଝାଳ ବହିଯାଏ ପାଟିହୁଏ ଅଠା ଅଠା,

ମୋର ପ୍ରିୟତମା ରୂପଟି ସୁନ୍ଦର ମଧୁର ଲାଗେ ତା' କଥା | (1)


ତା'ର ନାମ ମୋତେ ଆନମନା କରେ ଆଖିରେ ତାହାର ଯାଦୁ,

ଗୋଲାପୀ ଓଠରେ ଅକୁହା କାହାଣୀ ଗୀତରେ ରହିଛି ମଧୁ |

ମୋ ପ୍ରିୟା ହୃଦୟ ଫୁଲଠୁ କୋମଳ ତା' ହାତ ପରଶ ମିଠା |

ମୋର ପ୍ରିୟତମା ରୂପଟି ସୁନ୍ଦର ମଧୁର ଲାଗେ ତା' କଥା |(2)


× × × × ×                   

             ,

ନିବିଡ଼ ଅନ୍ଧାରେ ଦେଖିବାକୁ ଚାହେଁ, ତୁମର ଚନ୍ଦ୍ର ବଦନ | (ଘୋଷା)


ଆଲୋକକୁ ମୋତେ ଭାରି ଡରଲାଗେ ଆଉ କିଏ ଦେଖିନେବ?

ଦୀପ ଜଳିଲେ ବି ସହି ପାରିବିନି ମିଞ୍ଜି ମିଞ୍ଜି ଦିଶୁଥିବ |

ଅନ୍ଧାର ମୋ ପ୍ରିୟ ତୁମେ ମୋର ପ୍ରିୟା ଦୁହିଁଙ୍କ ହେବ ମିଳନ |

ଅମାବାସ୍ୟାକୁ ଭଲ ପାଉଛି ମୁଁ-ନିରୋଳା ଖୋଜେ ମୋ ମନ |(1)


ମଲ୍ଲୀଫୁଲ ବାସ ଅଗରୁ ଚନ୍ଦନ ପାଶେ ଥିଲେ କି ହୋଇବ ?

ମଧୁର ପରଶେ ମହକିବି ମୁହିଁ ମଳୟ ଆସି ଛୁଇଁବ |

ତୁମରି ଆଲୋକେ ଆଲୋକିତ ହେବି ଲୋଡ଼େନା ପୂନେଇଁ ଜହ୍ନ |

ଅମାବାସ୍ୟାକୁ ଭଲ ପାଉଛି ମୁଁ-ନିରୋଳା ଖୋଜେ ମୋ ମନ |(2)



Rate this content
Log in

More oriya poem from KRUTIBAS NAYAK

Similar oriya poem from Romance