Mishra Manasi

Romance


5.0  

Mishra Manasi

Romance


ସ୍ବପ୍ନ ନାୟିକା

ସ୍ବପ୍ନ ନାୟିକା

1 min 546 1 min 546

ସ୍ୱପ୍ନ ଗୋତୁମେ ମୋ ମନ ଆକାଶେ

ଶାରଦୀ ଜହ୍ନ ଜ୍ୟୋତ୍ସ୍ନା

ମହୁଆ ମାଦକ ସଂଜୁଆ ବେଳାର

ସଜ ଶେଫାଳୀର ବାସ୍ନା ।

କେବେକେବେ ତୁମେ ସ୍ନିଗ୍ଧ ଛଳ ଛଳ

ପାହାଡୀ କନ୍ୟାର ହସ ।

 ଗଭୀର ନିଶିଥେ ପ୍ରେମ ପ୍ରଣୟିନୀ

 ନୀଳ ନୟନାର ସ୍ପର୍ଶ ।

ସ୍ୱପ୍ନ ଗୋ ତୁମେ ଲାସ୍ୟମୟୀ କେଉଁ

ନର୍ତ୍ତକୀ ରୂପଲେଖା

ମୋ ମନ କୋଣାର୍କ ପାଷାଣ ବୁକୁରେ

ଛନ୍ଦମୟୀ ନାୟିକା ।

ଫୁଲ ଫଗୁଣରେ ରଙ୍ଗ ମହଲରେ

ସ୍ୱପ୍ନ ଗୋ ତୁମେ ଆସ

ମନ ବନାନୀରେ ବୁଣିବୁଣି ଯାଅ

ପ୍ରୀତି ସୁମନର ବାସ ।

କେବେ ଵଇଶାଖୀ କୃଷ୍ଣଚୂଡ଼ା ସାଜ

କେବେ ଶ୍ରାବଣୀ ବଧୂ

ସଜଳ ନୟନୁ ଝାରିଦିଅ ତୁମେ 

ପୀରତି ପ୍ରଣୟ ମଧୁ ।

 ସ୍ବପ୍ନ ଗୋ ତୁମେ ନନ୍ଦନ ବନର

 ଶୁଭ୍ର ପାରିଜାତ ଫୁଲ 

ପାହାନ୍ତି ନିଦରେ ମୋ ପ୍ରାଣ ବୀଣାର

ଅପାଶୋରା ଗୀତି ସ୍ୱର ।

ବିଜନ ବେଳାରେ କେବେ ପାଶେ ଆସ

କେବେ ଦୂରେ ଯାଅ ଘୁଞ୍ଚି

ପ୍ରତିବିମ୍ବ ଖାଲି ମନମୁକୁର ରେ

ପାରେନା ତୁମକୁ ବୁଝି ।


Rate this content
Log in

More oriya poem from Mishra Manasi

Similar oriya poem from Romance