ପ୍ରଣିପାତ ମହାନାୟକ
ପ୍ରଣିପାତ ମହାନାୟକ
ବୀର ପ୍ରସବିନୀ ଉତ୍କଳ ଜନନୀ
ସୁଯୋଗ୍ଯ ସନ୍ତାନ ତୁମେ
ଝୁରୁଛି ଏ ମାଟି ଝୁରୁଛି ପବନ
ତୁମରି ଦେହାବସନେ ।
ପ୍ରବାଦପୁରୁଷ ହେ ଜନନାୟକ
ତୁମ ପାଇଁ କର୍ମବୀର
ଗରବେ ଚାଲୁଛିି ଓଡିଆ ବୋଲି
ଉନ୍ନତେ ତୋଳିି ଶିର ।
ଓଡ଼ିଆ ଜାତି ଓଡ଼ିିଆ ଭାଷା
ଓଡିଶା ପ୍ରଦେଶ ପାଇଁ
ଶୁଭୁଥିଲା ତୁୁମ ଅଗ୍ନିବର୍ଷୀ ସ୍ୱର
ବିଶ୍ୱ ଦରବାରେ ଯାଇ ।
ଓଡିଶା ଭାଗ୍ଯାକାଶେ ଉଇଁଥିଲ
ବହ୍ନିିିଦୀପ୍ତ ଯୋଦ୍ଧା ରବି
ନୂତନ ଓଡିଶା ଗଢି ଚିହ୍ନାଇଲ
ବିଶ୍ୱ ମାନଚିତ୍ରେ ଛବି ।
ସମୃଦ୍ଧ ଓଡିଶା ସଶକ୍ତ ଓଡିଶା
ଗଢିବାଟି ଥିଲା ସ୍ୱପ୍ନ
ବନ୍ଧ,ରାଜପଥ,ଶିଳ୍ପ ,କାରଖାନା
ସବୁ ତୁମ୍ଭ ଅବଦାନ ।
ତ୍ରାଣକର୍ତ୍ତା ସାଜିି ଇଣ୍ଡୋନେସିଆର
ଭୂମିପୁତ୍ର ପାଲଟିଲ ,
ନିଜ ପ୍ରାଣବଳି ଦେବାରେ କୁୁୁଣ୍ଠିତ
କେବେ ହେଁ ନଥିଲ ବୀର ।।
ପ୍ରଣିପାତ ଘେନ ହେ ମହାନାୟକ
ଉତ୍କଳ ଯୁଗ ପୁୁରୁଷ
ବିଜୟାନନ୍ଦ ଘୋଷୁୁ ତୁମ ନାମ
ଯୁଗ ଯୁଗ ଇତିହାସ ।।