ବାପା ଙ୍କୁ ଚିଠି ଟିଏ

ବାପା ଙ୍କୁ ଚିଠି ଟିଏ

😭📜📜📜😭

ବାପା .....

ତୁମେ ପରା କହୁଥିଲ ....

"ମୋର ଏଠି କେତେ କାମ ଅଛି

ବେଶି ଦିନ ପାରିବାନି ରହି 

ଚାରିଦିନ ଭିତରେ ବୁଲାବୁଲି ଶେଷ କରି

ଆସିବା ବାହୁଡି ା 

ପୁଣି କହିଥିଲ ତୁମେ.....

"ତୋର ବିତ ଅଛି ପଢାପଢି

କେତେଦିନ ଅବା ଟ୍ୟୁସନ୍ ହେବ ଛୁଟି ା"

 ମୁଁ ଛୋଟ ହେଲେ ବି ବେଶ୍ ବୁଝିଛି ବାପା 

ତୁମେ ଭାରି ବ୍ୟସ୍ତ ମଣିଷ ଟିଏ 

ସବୁବେଳେ କାମ ର ଭିଡ ତୁମ ଚାରିପାଖେ ା

କାମ ପାଇଁ ଭୁଲି ଯାଅ ସବୁ କିଛି

କିନ୍ତୁ , 

ଚାରିଦିନ ପାଇଁ ଯାଇ ସବୁଦିନ ରହିଗଲ ସେଠି

ମନେ ପଡୁନି କି ତୁମ କାମ ସବୁ 

ବାକି ରହିଗଲା ଏଠି ା

ଆସନ୍ତା ମାସ କୁ କିଣିବାକୁ ଥିଲା 

ବୋଉ ପାଇଁ ସାବିତ୍ରୀ ର ଶାଢୀ ,

ମୋ ନୂତନ ଶ୍ରେଣୀ ପାଇଁ ଖାତା ଆଉ ବହି ା 

 

ବୋଉ ର ମଉଳା ମୁହଁ 

ସହି ନ ପାରିବା ଲୋକ ତୁମେ

ତା ଆଖି କୁ  ଲୁହ ଗଲ ଦେଇ 

ଅବଶ୍ୟ ..   

ତୁମେ ବି  ନ ଥିଲ ତ ଜାଣି

ଏଠି ନିଜ ଦେଶ ରେ ବି ସ୍ବଚ୍ଛନ୍ଦ ରେ 

ନିର୍ଭୟ ରେ ହୁଏନାହିଁ ବୁଲି ା

ବୁଲି ଯିବା ପୂର୍ବର ସେ ହସ ଖୁସି 

ସ୍ବପ୍ନ ପରି ଲାଗେ

ସେ ଉତ୍ସାହ ,ଉଲ୍ଲାସ , ବାପା ଡାକ

ସବୁ କିଛି

ସ୍ମୁତି ହୋଇ ରହିଗଲା ଏବେ ା

ଗଲାବେଳେ ମୋ ମଥା ରେ ତୁମ ଆଶୀର୍ବାଦ ର ଛାତ ଥିଲା 

ବୋଉ ଦେବୀ ଭଳି ଦିଶୁଥିଲା 

କପାଳରେ ଲାଲ୍ ସୂର୍ଯ୍ୟ ଙ୍କ ଅବସ୍ଥାନ ରେ ା

କିନ୍ତୁ,  ଆସିଲା ବେଳେ

ତୁମେ ଆସିଲ 

ବରଫ କଫିନ୍ ଭିତରେ

ଆଉ , ମୁଁ ଶୂନ୍ୟ ହସ୍ତ ରେ

ମାଆ ମୋ ଶୂନ୍ୟ ମଥା ରେ ା

ଆମେ ବୁଲି ଯିବା ପୂର୍ବରୁ ମୁଁ ଯାହାକୁ 

ଭୂସ୍ବର୍ଗ ଭାବୁଥିଲି 

ତାହା ଏବେ ନର୍କ ଠୁ ଭୟଙ୍କର ଲାଗେ ା

 ଯେଉଁ ବରଫ ଖଣ୍ଡ ସବୁ 

ରୁପା ଭଳି ଲୋଭନୀୟ ଥିଲା

ଏବେ କିନ୍ତୁ ....

ରକ୍ତ - ଉପତ୍ୟକା ର ଭିତି ସୃଷ୍ଟି କରେ ା

ବାପା ତୁମେ କଣ 

ମିନି ସୁଇଜରଲ୍ୟାଣ୍ଡ ରେ 

ଶୋଇବାର ଶେଯ ବାଛିନେଲ 

ଗଲା ବେଳେ ତିନିଜଣ ଗଲେ 

ହେଲେ ତୁମେ ଶୋଇଗଲ ସେଠି 

ଧର୍ମାନ୍ଧ ଦାନବ ଙ୍କ ଗୁଳି ଚୋଟ ରେ 

ତୁମ ଲାଲ ଲହୁ ର ଝରଣା ଧୋଇନେଲା 

ମୋ ମାଆ ର ଲାଲ୍ ସିନ୍ଦୁର ର ଟୋପା ା