ପର୍ବ ପର୍ବାଣୀ

ଜୟ ପ୍ରଭୂ ସଙ୍କଟ ମୋଚନ ହନୁମାନ

ଜୟ ଜୟ ଜୟ ସଙ୍କଟ ମୋଚନ 

  ଜୟ ବୀର ହନୁମାନ

ଆଜି ପରି ଦିନେ ପଣା ସଂକ୍ରାନ୍ତି ରେ

  ତୁମରି ଜନମ ଦିନ ।

ନବବର୍ଷ ରୁପେ ପାଳନ୍ତି ସଭିଏଁ 

  ହର୍ଷୋଲ୍ଲାସେ କଟେ ଦିନ

ନୂତନ ପଞ୍ଜିକା ପ୍ରଚିଳିତ ହୁଏ 

  ଧରି ନବ ତିଥି ଲଗ୍ନ ।

ତୁମରି ମହିମା ତୁମ ଗୁଣ ସୀମା

  ବର୍ଣ୍ଣି ବା ପାରିବ କିଏ

ଯାହାର ମୁହଁ ରେ ସଦା ସରବଦା

   ଶ୍ରୀରାମ ଙ୍କ ଜଏ ଜଏ ।

ରାମଛବି ଶୁନ୍ୟ ସୀତା ଦାନ ମାଳ

  ତୁମେ କଲନି ଗ୍ରହଣ

ଛାତି ଚିରି ଦେଇ ,ଦେଇଥିଲ ତୁମେ 

  ରାମ ଭକ୍ତି ର ପ୍ରମାଣ ।

ଭକତି ରେ ଯେଉଁ ଶକତି ନିହିତ

   ତୁମେ ତା ଉଦାହରଣ

କାଳ କାଳ ପାଇଁ ରାମ ଭକ୍ତ ରୁପେ

   କରୁଛୁଁ ସର୍ବେ ବନ୍ଦନ ।

ସଙ୍କଟ ମୋଚନ ଆହେ ହନୁମାନ

   ଘେନ ଘେନ ନିବେଦନ

ଦୂରେଇ ଦିଅହେ ଯେତେ ରୋଗ ଦୁ8ଖ

   ଖୁସି ରେ କଟୁ ଜୀବନ ।

ହେ ଅଞ୍ଜନା ସୁତ ପବନ ତନୟ

   ତୁମେ ଅଜର ଅମର

ଏ ସାରା ସଂସାରେ ଅମୃତ ଭରି

   ଅନିତୀ କୁ ଦୂର କର ।

ସର୍ବ ସଙ୍କଟ ରୁ ଉଦ୍ଧାରିବା ହେଉ 

  ଆହେ ସଙ୍କଟ ମୋଚନ

ତୁମ୍ଭ ଶ୍ରୀ ପୟରେ ଅର୍ପଣ କରୁଛି

   ମୋ ଶବ୍ଦ ଶ୍ରଦ୍ଧା ସୁମନ. ାାା