ଓଡ଼ିଆ ଜାତିର ଲଢୁଆ ବୀର-36: ସାରଦା ମହାପାତ୍ର

ପୁଲିସର ପୁଅ ସାରଦାଙ୍କ ଘର ଜଗତସିଂହପୁର,

ଇଂରେଜ ଶାସନ ହଟାଇବା ପାଇଁ ଛାଡ଼ିଲେ ନିଜର ଘର |

ଦେଶପ୍ରେମୀ ବନ୍ଧୁ ମିଶି କେତେଜଣ ଚାଲିଲେ ସୁନ୍ଦରବନ,

ଶକ୍ତିଶାଳୀ ବୋମା ଗଢିଲେ ଗୁପତେ ଲଗାଇ ଜୀବନ ପଣ |

ବିଦ୍ରୋହୀ ବିପ୍ଳବୀ ହୋଇଲେ ପ୍ରବଳ ବଢିଲା ଆତଙ୍କ ଭୟ,

ପୁଲିସ ଆଖିରେ ଧୂଳିଦେଇ ପୁଣି ଘୋଷଣା କରିଲେ ଜୟ |

ସାରଦାଙ୍କ ବାପା ମହାପାତ୍ର ବାବୁ ପଦବୀରେ ଅଫିସର,

ଆଖିରେ ଭରିଲେ ଉପାଧିର ନିଶା ମୋଟା ଅଙ୍କ ପୁରସ୍କାର |

ପୁଅ ଗତିବିଧି ସନ୍ଦେହ କରି ସେ ଲଗାଇ କପଟ ପ୍ରୀତି,

ସାରଦାଙ୍କୁ ଡାକି କହିଲେ ମିଛରେ ବଦଳିଛି ମୋର ନୀତି |

ପେଟପାଇଁ ସିନା ଚାକିରି କରୁଛି ଇଂରେଜଙ୍କୁ ଚାହେନାହିଁ,

ସୁବିଧା ପାଇଲେ ବିପ୍ଳବୀ ସାଜିବି ଦେଶର ସ୍ଵାଧୀନ ପାଇଁ |

ବାପାକଥା ଶୁଣି ସାରଦା କହିଲେ- ଗଢିଛି ମୁଁ କାରଖାନା,

କରି

Advertisement

ଛି ଯୋଜନା ଇଂରେଜ ଶାସନ ଉଡ଼ାଇବି ମାରି ବୋମା |

ଚମକି ପଡ଼ିଲେ କୃଷ୍ଣ ମହାପାତ୍ର ସାରଦାଙ୍କ କଥା ଶୁଣି,

କପଟ ଶରଧା ଦେଖାଇ କହିଲେ- ତୁହି ମୋ କୁଳର ମଣି |

ଦେଖିବାକୁ ମନ ହେଉଛି ପ୍ରବଳ ବୋମା କାରଖାନା ତୋର,

କରିବି ସାହାଯ୍ୟ-ସହଯୋଗ ପୁଣି ଯାହା ତୋତେ ଦରକାର |

ବାପାକଥା ଶୁଣି ସାରଦା କହିଲେ-ଜାତିରେ ପୁଲିସ ତମେ,

ଆଖିପଟି ବାନ୍ଧି ଗାଡ଼ିରେ ବସେଇ ବାଟ କଢେଇବୁ ଆମେ |

ପଟିଖୋଲି ବାପା ବୋମା କାରଖାନା ଦେଖିଲେ ଛାନିଆଁ ହୋଇ,

ପ୍ରଶଂସା କରିଲେ ପୁଅର ବନ୍ଧୁଙ୍କୁ ମିଥ୍ୟା ପ୍ରତିଶ୍ରୁତି ଦେଇ |

ମନରେ ଭରିଲା ଧନର ଲାଳସା ଫେରିଲେ ମୁରୁକି ହସି,

ଫଉଜ ଡକାଇ କରିଲେ ଚଢାଉ ସାରଦା ହିଁ ଗଲେ ଖସି |

ବନ୍ଧୁ ଗହଣରେ କେମିତି ବଞ୍ଚିବି ବାପାକଲେ ଅପକର୍ମ,

ସ୍ଵାଭିମାନୀ ବୀର ସହିଦ ହେବାକୁ କରିଦେଲେ ବିଷପାନ |