ଦୋ ଛକିରେ ଜୀଵନ

କିଛି ସୁଖ କିଛି ଦୁଃଖ

କିଛି ଭଲ କିଛି ମନ୍ଦ

କିଛି ପାଇବା ଆଉ 

କିଛି ହରେଇବା

ଏମିତି ସବୁ ଦୋଛକି ରାସ୍ତାରେ

ଯାହାର ଘର ତା ନାଁ ଜୀଵନ ।

ଜୀବନ ସଂଘର୍ଷ ର୍ ଗଣିତରେ

ଅଙ୍କ କସୁ କସୁ

ସୁଖ ଦୁଃଖର ମିଶାଣ ଫେଡାଣରେ

ଯଦି ସୂତ୍ର ଅନୁଯାୟୀ ବହିଚାଲି

ଶେଷେରେ ଅବାଞ୍ଛିତ ଫଳ ଆସେନା

ସେତେବେଳେ ଦୁନିଆର ପଥର ବାଣରେ

ସେ ହୁଏ ଅସମର୍ଥ,ମଳିନ ଆଉ ଅବସର୍ଣ୍ଣ ।

ଯିଏ କୁଢ଼ କୁଢ଼ ଅଙ୍କର ସୃଷ୍ଟି ସତ୍ତ୍ୱେ

କାତର ନ୍ ହେଇ

ଦିବାନିଶି ଏକିଭୂତ କରି

ଅବିରତ ଅଗ୍ରସର ହେଇଚାଲି

ଶେଷଭାଗରେ ଯଦି ମୁକ୍ତିକାମୀ ହୁଏ

ତେବେ, ସେ ହୁଏ ଜଣେ

ସୁବ୍ୟକ୍ତି ସୁପଥିକ ଏଇ ସଂଘର୍ଷ ପଥର ।

ଏଇ ଦୁନିଆର ଦାଣ୍ଡରେ

ଅହେତୁକ କଳ୍ପନା ଜଳ୍ପନା ଚାଲେ

ସହିବାକୁ ହୁଏ କେତେ ପଥର ମାଡ଼

କେତେ ରାଗ ,ରୁକ୍ଷ ବଚନ

ଧରିବା ପାଇଁ କି ଏଇ ବିଜୟ କେତନ

ବୋଧହୁଏ ଏଇଟା ଜୀଵନ

ବୋଧହୁଏ ଏଇଟା ହିଁ ଜୀଵନ ।