ଅସୁରକ୍ଷିତ ନାରୀ।

ପଡିଛି ମଳିନ କୁଆଁରର ଜହ୍ନ

ଛନ ଛନ ନୁହେଁ କୁଆଁରୀ ମନ

ନିରାଶା ଛାଇଛି କିଶୋରୀ ବଦନେ

ସୁରକ୍ଷିତ ନୁହେଁ ତନ ଯୌବନ।।

ରାସ୍ତାରେ ଭୁକୁଛି ଡାହାଳା କୁକୁର

ଲହଲହ ଜିହ୍ଵା ଡାହାଣା ଆଖି

କଣେଇ କଣେଇ ଚାହେଁ କେବେ ପୁଣି

ପଛରେ ଗୋଡାଏ ସେ ମାଂସ ଭକ୍ଷୀ।।

ଦେଖୁଥିବେ ମାଆ ଦେଖୁଥିବେ ବାପା

ଦେଖୁଥିବେ ଭାଇ ଇତର ଜନ

ନରମ ମାଂସକୁ ଭିଡି ଖାଇଯିବେ

ଡାହାଳା କୁକୁର ବିଟପ ସ୍ତ୍ରୈଣ।।

ଜଳିବ ଅନ୍ତର ବହିଯିବ ଅଶ୍ରୁ

ନସ୍ଫୁରିବ କଥା କାହା ବଦନୁ

ମନ ପୋଡିଯିବ କୋହ ବି ଆସିବ

ଦେଖି ଧର୍ଷିତାର କଅଁଳ ତନୁ।।

ସକାଳ ପାହିଲେ ଭୟଆତଙ୍କରେ

ଥରୁଛି କଲିଜା ଥରୁଛି ଦେହ,

କିପରି ପୁଜୀବ କୁମାର ପୂର୍ଣ୍ଣିମା

ସୁରକ୍ଷିତ ନୁହେଁ କୁଆଁରୀ ଝିଅ।।

କଅଁଳ ମାଂସର ଦୋକାନ ଖୋଲିଛି

ରଙ୍ଗ ଶାଳାମଧ୍ୟେ ନର ରାକ୍ଷସ 

ଉପଭୋଗ ପରେ କଲିଜା ବିକୁଛି

ବିକୁଛି ବୃକକ୍ ଆଖି ସର୍ବଶଃ।।