ଅଲୋଡ଼ା ମୁକୁତା
ଅଲୋଡ଼ା ମୁକୁତା
ଭାବେ ମୁଁ କାହିଁକି ନୀଳ ସାଗରର,ଉର୍ମିରେ ଭିଜିବା ଭଲ ଲାଗୁନି,କାହିଁକି ହୃଦୟ ଢେଉ ଠାରୁ ଆଜି,ଶାମୁକାଟିଏ ପୁଣି ଥରେ ମାଗୁନି ?
ଯେତେ ଘଡି ମୋର ବାଳୁତ ଦିନର,ହଜିଛି ତଟରେ ମୁକୁତା ଖୋଜି,ସେତେ ସ୍ଵପ୍ନ ମୋର ଭାଙ୍ଗିଛି ନୟନେ,ନିରାଶାରେ ହୃଦ ଯାଇଛି ଭିଜି I
କାହାର ମରଣେ ସୁଖର ସନ୍ଧାନ,କରିବାକୁ ଆଉ ମନ ମାନେନା,ନ ମିଳୁ ମୁକୁତା ନ ସାଜୁ ସପନ,ବିନା ସ୍ଵପ୍ନରେ କି ବଞ୍ଚି ହୁଏନା? ସାଗର ବିଛାଏ ଆଜି ମଧ୍ୟ କେତେ,ଶାମୁକା ପସରା ବେଳା ତଟରେ,ଆଜି କିନ୍ତୁ ସାଜେ ମୃତ୍ୟୁର ପ୍ରତୀକ,ପ୍ରତିଟି ଶାମୁକା ମୋ ନିକଟରେ !