ବିବାହ

ଶଙ୍ଖ ହୁଳହୁଳୀ ବାଇଦ ବାଜଣା,

ସବାରୀ କେବେ ବୋହୁ ଚଢୁଥିଲା,

ଚାଉଳ କଳସ ଏରୁଣ୍ଡି ବନ୍ଧରେ,

ଅଳତା ପାଦ ଘରେ ପଡୁଥିଲା I 

ବିବାହିତା ନାରୀ ବାପାଙ୍କୁ ପାଶୋରି,

ହେଉଥିଲା ପତି ପ୍ରଣୟେ ଛନ୍ଦା,

ଶାଶୁଘର ଲୋକ ସଭିଙ୍କୁ ଆଦରି 

ସପ୍ତପଦୀର ବନ୍ଧନରେ ବନ୍ଧା !

ବଦଳିଛି ସତ ବିବାହର ପ୍ରଥା,

ହୀରା ମୁଦିରେ ଆଜି ପ୍ରେମ ହସେ,

କଚେରୀରେ କେବେ, କେବେ ହୋଟେଲରେ,

ବରମାଳାଟି ବର ଦେହେ ବାସେ !

ହେଉ ହେଉ ଧର୍ମ ହେଉ ଯେଉଁ ରୀତି, 

ଯେଉଁ ଭାଷାରେ ସରୁ ବିଧି କାମ, 

ଦୁଇଟି ଦେହର ମିଳନର ନୁହେଁ 

ଦୁଇଟି ମନର ମିଳନର ନାମ I