ମୁଁ ଗରିବ ରିକ୍ସାବାଲା

ଗରିବ ହେବାଟା କେଉଁ ଅପରାଧ

କୁହ ହେ ଉପର ଵାଲା

ଭୋକ ଉପାସରେ ଚାହିଁ ବସିଅଛି

ମୁଁ ବୃଦ୍ଧ ରିକ୍ସାବାଲା ।

ତିନି ଦିନ ହେଲା ଚୁଲି ମୋ ଜଳିନି

ଘରେ ନାହିଁ ତେଲ,ଲୁଣ

ପିଲା, ଘରଣୀ ମୋ ଭୋକ ଉପାସରେ

ହେଉଛନ୍ତି ହୀନିମାନ ।

ଧିକ ମୋ ଜନମ ମୋ ପିତା ପଣିଆ

ଧିକ ଧିକ ଶତ ଧିକ

ଯୋଗାଇ ପାରୁନି ମୁଠାଏ ଅନ୍ନ ମୁଁ

ମେଣ୍ଟାଇ ପାରୁନି ଭୋକ ।

କିଏ ଖାଏ ଖିରୀ ,ମଦ,ମାଂସ ,ପୁରି

ଶୁଏ ତୁଳି ତଳ୍ପ ସେଯେ

ମୁଠାଏ ପଖାଳ ଦେଇପାରୁନାହିଁ

ପିଲାଙ୍କୁ ମୋହର ମୁଁ ଯେ ।

ଏ ଭଙ୍ଗା ରିକ୍ସା ଆସରା ମୋହର

ଟାଣେ ମୋ ରୁଗ୍ଣ ଶରୀର

ଦି' ପଇସା ଯଦି ମିଳି ଯା'ନ୍ତା ଆଜି

ବଞ୍ଚି ଯାନ୍ତେ ପିଲା ମୋର ।

ଏ କି ଅବିଚାର ଦଇବ ତୁମର

କରିଛି ମୁଁ କେଉଁ ଦୋଷ

ଦୟାର ସାଗର ମୋ ବେଳକୁ କିଆଁ

ଶୁଖିଛି ହେ ଜଗଦୀଶ ?