ବଧୁ ନିରୁପମା ଭାଗ...୪

ମନକୁ ବୁଝାଇ ଆଖିର ଲୁହକୁ 

ପଣତରେ ଦେଲା ପୋଛି

ମୋ ଭାଗ୍ୟର ଲେଖା ମୋତେ ହିଁ କେବଳ

ଭୋଗିବାର ଏଠି ଅଛି ।

ଯାହା ମୋତେ ଦେଲା ନିଷ୍ଠୁର ଦଇବ

ତାହା ବୋଧେ ମୋର ପ୍ରାପ୍ୟ

ପୂର୍ବ ଜନମର କିଛି ପାପ ଫଳ

ଅବା କେଉଁ ଅଭିଶାପ ।

ଯେତିକି ପାଇଛି ସେତିକିରେ ଖୁସି

ନାରୀର ପ୍ରଥମ ଧର୍ମ

ପତିଙ୍କ ପାଦରେ ମଥା ରଖି ସଦା

କରିଯିବି ମୋର କର୍ମ ।

ପତନରୁ ରକ୍ଷାକରି ମୁଁ ପାରିବି

 ପତ୍ନୀ ନାମ ମୋର ଯେଣୁ

ଭଲ ମନ୍ଦ କିଛି ବିଚାର ନକରି

ଢାଳି ଯିବି ପ୍ରେମ ରେଣୁ ।

କିଛି ଭାବି ବୋଧେ ଦଇବ ଦେଇଛି

ସେ ହାତେ ମୋ ହାତ ଛନ୍ଦି

ପାରିବେନି ଖସି ଏମିତି ରଖିବି

ମୋ ପ୍ରେମ ଡୋରରେ ବାନ୍ଧି ।

ଏତେ ସବୁ ଭାବି ନିରୁପମା ଓଠୁ

ଉକୁଟିଲା ହସ ଜ୍ୟୋତି

ପତିଙ୍କ ପାଦରେ ମଥା ରଖି ତା'ର 

କଟିଗଲା ମଧୁରାତି ।