Anita Dash

Abstract Inspirational Others


3  

Anita Dash

Abstract Inspirational Others


ଭୟ

ଭୟ

1 min 150 1 min 150


ଦୁର୍ବଳ କ୍ଷଣରେ ଦୁର୍ବଳ ମନର

ନାକାରାତ୍ମକ ବିଚାର,

ଭୟର କବଳେ ପଡିଗଲେ ହୁଏ

ଶକ୍ତିହୀନ ସ୍ଥାଣୁ ନର। [୧]


ମନୋବଳ ପୁଞ୍ଜି ସରି ସରି ଗଲେ

ମନେ ଜମେ ବ୍ୟାକୁଳତା,

ଚିନ୍ତା ବଢି କରେ ଶରୀର ରୁଗୁଣ

ହରାଇ କାର୍ଯ୍ୟ କ୍ଷମତା । [୨]


ଅଳିକ, ପାର୍ଥିବ-ଚିଜରେ ଶରଧା,

ଭଉତିକ-ସୁଖେ ରତ,

ବେଶୀ ବେଶୀ ସୁଖ ହାତେଇବା ଆସେ

ହତାଶାରେ ବୁଡ଼େ ମିତ। [୩]


ବ୍ରହ୍ମଟିକୁ ଜାଣି ଵିଵେକୀ ମଣିଷ

ଜଗାଏ ତ୍ୟାଗ ଭାବନା,

ବିବେକ ଜ୍ଞାନର ଆଲୋକ ଜଳାଇ

ତେଜେ ଆସକ୍ତି କାମନା । [୪]


ହୃଦୟରେ ଆମ ଅଭୟ ପ୍ରଦାୟୀ

ଠାକୁରେ ବିରାଜମାନ,

ଅଜ୍ଞାନୀ! ନବୁଝି, କାତରତା ପଣେ

ନିଜକୁ ମଣୁଛ ହୀନ ? [୫]


ଭୌତିକ ଭୟକୁ ଆତ୍ମବିଶ୍ଵାସ ଓ

ଶରଧାରେ ବଦଳେଇ ,

ସହିବା ଶକତି, ସାହାସ ପଣିଆ

ଆଗ୍ରହ ମନରେ ନେଇ । [୬]


ଘାତ ପ୍ରତିଘାତ ଦୂର ହୁଏ ନାହିଁ,

ଦୁର୍ଘଟଣା ସରେ ନାହିଁ,

ଜୀବନ ଯୁଦ୍ଧରେ ଛାମୁଆ ସେନାନୀ

ମରଣକୁ ଡରେ ନାହିଁ । [୭]



Rate this content
Log in

More oriya poem from Anita Dash

Similar oriya poem from Abstract