Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lata Behera

Abstract

4  

Lata Behera

Abstract

ସ୍ୱାଧୀନ

ସ୍ୱାଧୀନ

2 mins
402



ସ୍ୱାଧୀନ ସ୍ୱାଧୀନ କହନ୍ତି ସ୍ୱାଧୀନ 

     ସ୍ୱାଧୀନର ମାନେ କ'ଣ

ଯାହାକୁ ପଚାରେ ନୀରବ ରୁହନ୍ତି

    ଚାହିଁ ଥାନ୍ତି ପଣ ପଣ ।


କିଏ କହୁଥାନ୍ତି ପରାଧୀନ ଥିଲୁ

    ଏବେ ସ୍ୱାଧୀନ ହେଇଛୁ 

ନିଜ ହାତେ ନିଜେ ଆଇନ ଗଢିଣ

  ନିଜେ ଶାସନ କରୁଛୁ ।


ଶାସନଟା କେମିତି ବୁଝାଇ କୁହ ତ

   ମୁଁ ବୁଝି ପାରୁନି ଜମା

ସମ୍ପୂର୍ଣ୍ଣ ସନ୍ଦେହ ଦୂର କରି ଦେବ 

    ରଖି ବନି ଜମା କମା । 


ଆଗରୁ ଇଂରେଜ କରିଲେ ଶାସନ 

    ଦେଲେ ଅନେକ ଯାତନା 

ନିଜ ଘରେ ଏବେ ନିଜେ ରାଜା ଅଛୁ 

    ଅଛି ଆମ ମାଲିକାନା ।


ଏଇଟାକୁ ଯଦି ସ୍ୱାଧୀନ କହନ୍ତି 

     ଯୌଥ ପରିବାର କାହିଁ 

ମିଳିମିଶି ପରିବାର ଚଳିବାଟା 

    ଆଖିକୁ ତ ଦିଶୁ ନାହିଁ ।


ପରିବାର ଭିତରେ ଲାଗଇ ଝଗଡା

    ଲାଗେ ଶାଶୁ ବୋହୂ କଳି

ଗୁରୁ ଗୁରୁଜନ କଥାକୁ ସେମାନେ 

    ପାଦରେ ଦିଅନ୍ତି ଦଳି ।


ମାଲିକାନା ଯଦି ନିଜ ଘରେ ତୁମେ

    କାହିଁ ବୃଦ୍ଧାଶ୍ରମ ଏତେ 

ଅନାଥ ଆଶ୍ରମେ କୁହ କାହିଁ ପାଇଁ 

     ଜୀବନ କାଟନ୍ତି କେତେ ?


ବୋହୂ କହୁଅଛି ଅଲଗା ଖାଇବି

    ରୋଷେଇ କରିବି ନାହିଁ 

ଏଇଟାକୁ ଯେବେ ସ୍ୱାଧୀନ କହୁଛ

    କେମିତି ମାନିବି ମୁହିଁ ।


ଇଂରେଜ ତଡିଛୁ ସ୍ୱାଧୀନ ହେଇଛୁ

   ଡରୁନୁ ଆମେ କାହାକୁ

ନିର୍ଭୟରେ ଦେଖ ଗାଦିରେ ବସିଛୁ

    ଚଳାଉ ଅଛୁ ଦେଶକୁ ।


ଏଇଟାକୁ ଯଦି କହନ୍ତି ସ୍ୱାଧୀନ  

    କାହିଁ ଚାଲେ ହଣାକଟା 

ଦେଶରେ କୋକୁଆ ଭୟ ଖେଳୁ ଅଛି 

     ହ୍ୱନ୍ତି କେତେ ହଟହଟା ।


ବାହାରକୁ ଗଲେ ଭୟ ଲାଗୁ ଅଛି

     ଚୋରୀ ମର୍ଡର ଚାଲୁଛି 

ନିରୀହ ଜନତା କଷଣ ଭୋଗନ୍ତି

    ସ୍ୱାଧୀନ ଏଇ ହେଇଛି ।


ଗରିବ ଲୋକଟି ଗରିବ ରହୁଛି

    ଧନୀ ଉଠେ ଉପରକୁ

ମୁହଁ ଦେଖା ଦେଖି ଏଇ କାରବାର

    ବଝାଏ କି ସ୍ୱାଧୀନକୁ ?


ନାରୀ ଜାତି କାହିଁ ନୁହେଁ ସୁରକ୍ଷିତ

    ଲାଞ୍ଛନେ କାଟନ୍ତି ଦିନ

କେତେବେଳେ କିଏ କାହାକୁ ମାରୁଛି

     ଏଇଟା କ'ଣ ସ୍ୱାଧୀନ ।


ଚାକିରୀ କରୁଛୁ ପଇସା ପାଉଛୁ

    ଚଳୁ ଅଛୁ ଆରାମରେ

ଗାଡି ଚଲାଉଛୁ ବିଳାସେ ବୁଲୁଛୁ 

    ନିଜ ଇଚ୍ଛା ଅନୁସାରେ ।


ଏହାକୁ ସ୍ୱାଧୀନ କିଏ ସେ କହିବ

     ସର୍କାର ହାତେ ଲଗାମ

ଯେମିତି ମୋଡନ୍ତି ସେମିତି କରାନ୍ତି 

    ତୁମକୁ ଦିନ ତମାମ ।


ସରକାର ହାତର ଖେଳନା ଯେ ତୁମେ 

     ଆମେ ସାଜୁ ପରିବାରେ

କୁହ ତ କାହାର ସ୍ୱାଧୀନ ରହିଲା

     ପୁଣି କେବେ କେଉଁଠାରେ ।


ଦେଶ ସିନା ଆମ ସ୍ୱାଧୀନ ହୋଇଲା 

     ଏବେ ଆମେ ପରାଧୀନ

ହରେଇ ବସିଛୁ ନିଜର ସ୍ୱାଧୀନ

     କାଟୁଛୁ ଦୁଃଖେ ଜୀବନ ।


ସ୍ୱାଧୀନ ଏ ଦେଶ କେବେ ହେଇଥିଲା

   କେତେ ଯେ ଭୂଲି ଯାଆନ୍ତି 

ଜାତୀୟ ପତାକା ନାମ ପଚାରିଲେ 

    ଭୁଲ୍ ଉତ୍ତର ଦ୍ୟନ୍ତି  ।

   

ସ୍ୱାଧୀନର ସଂଜ୍ଞା କଲେ ନିରୁପଣ 

     ପ୍ରଶ୍ନ ପରେ ପ୍ରଶ୍ନ ଆସେ 

ସ୍ୱାଧୀନ ମାନେଟା ନା ଜାଣି ହୁଏ 

   ଆଖିରେ କେତେ ସେ ଭାଷେ ।  


ସ୍ୱାଧୀନ ହେଇଛୁ କୁହନ୍ତି ସମସ୍ତେ 

     କାହିଁ ଲାଗେ ପରାଧୀନ 

ସେଇ ପ୍ରଶ୍ନବାଚୀ ଗୋଟା ଉଙ୍କି ମାରେ

    ସତରେ କଣ ସ୍ୱାଧୀନ ? 


Rate this content
Log in