STORYMIRROR

Balaram Sethi

Abstract

3  

Balaram Sethi

Abstract

ଅବିସ୍ମରଣୀୟ ' ମୋ ଗାଁ '

ଅବିସ୍ମରଣୀୟ ' ମୋ ଗାଁ '

1 min
190



   କି ସୁନ୍ଦର ଆହା କି ଆନନ୍ଦ ମୟ

   ଏହି ଯେ ଆମରି ଗାଁଆ

   ନଇ ଆରପଟେ ଝିଲି ମିଲି ଦିଶେ

   ଛୋଟିଆ ତାହାରି ନାଁଆ ।


   ଝାପସା ଝାପସା ଦେଖା ଯାଉ ଅଛି

   ଦୂର କୁ ସୁନ୍ଦର ଦିଶେ

   ପୂରୁବ ଦିଗରୁ   ସିନ୍ଦୁରା ଫଟାଇ

   ସୁରୂଜ ଦେବତା ଆସେ ।


   ସକାଳ ପଖାଳ ଖାଇ ଚାଷି ଭାଇ

   ବିଲେ ନେଇ ଯାଏ ହଳ

   କାଳିଆ କସରା ବଳଦ ଦୁହିଁଙ୍କୁ

   ଦେଇ କୁଣ୍ଡା ଘାସ ଜଳ ।


   ନଦୀ ରେ ପଡ଼ିଛି ନାବ ଏକ ଗୋଟି

   ପାଉ ନାହିଁ ତାର କାତ

   ପୁବେଇ ପବନ  ମାଡ଼ି ଆସୁ ଅଛି

   ନାଉରିଆ ଗାଏ ଗୀତ ।


   ଗାଇଆଳ ପିଲା  ଗାଈ ଜଗି ଛନ୍ତି

   ନଦୀ ପଠା ଆର ପାରି

   କିଃ ସୁନ୍ଦର ସେହି ପୁର ପଲ୍ଲୀ ଗ୍ରାମ  

   ବିଲ ବନ  ଗିରି ଶିରି ।


   ଆମ୍ବ ଗଛ ଡାଳେ କୋଇଲି ବସିକି

   ଗାଉ ଅଛି କେତେ ଗୀତ

   ବାଜିଲାଣି ତେଣେ ବିଦ୍ୟାଳୟ ଘଣ୍ଟି

   ସାଥିରେ  ଯାଆନ୍ତି ମିତ ।


   ଦୁରେ ଦେଖା ଯାଏ ଜୁଇ ହୁତୁ ହୁତୁ

   ଭୂତ କୋଠୀ ପଛ ପଟେ

   ଭୂତ ପେତ ଆଉ ଡାହାଣୀ ଚିର୍କୁଣି

   ନାଟ କରନ୍ତି ସେ ପଟେ ।


   ରାତି ଅଧ ଟାରେ ନିଝୁମ ରାତିରେ

   ଭୂତ କୋଠୀ ନୀତି ଡାକେ

   ଅନ୍ଧାର ରାତିରେ ମଶାଣୀ ବୁକୁରେ

   ହୂତୁ ହୂତୁ ନିଆଁ ଉଠେ ।


   ଆମ ଗାଁଆ ମଶାଣୀ କଥା ଶୁଣି ଶୁଣି

   କୁନା କୁନି ଙ୍କୁ  ଛାନିଆ

   ସଞ୍ଜ ନଇଁ ଗଲେ  ଅନ୍ଧାର ଆସିଲେ

   ମଶାଣୀ ରେ ଜଳେ ନିଆଁ ।


  ମାଆ ମାଆ ବୋଲି ଯେତେ ଡାକିଲେ ବି

   ପଣତ  କାନି ଙ୍କୁ ଧରି

   ସବୁ ଏଠି ପର   ନୁହେଁ କେ ନିଜର

   ଜୁଇ ଡାକେ ହାତ ଠାରି ।


Rate this content
Log in

Similar oriya poem from Abstract