*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:
*ହଜିଲା ଦିନ ସ୍ମତିରୁ ପଦେ* *କବିତା ମାଳା ଶୀର୍ଷକ:


*ହଜିଲା ଦିନ ସ୍ମତିରୁ ପଦେ*
*କବିତା ମାଳା ଶୀର୍ଷକ: -*
🌹 *ଚିଠି ଓ ରେଡିଓ* 🌹
**********************
ଲତା ବେହେରା ।
^^^^^^^^^^^^^^^^
ହଜିଲା ଦିନର ସ୍ମୁତି କବିତାରେ
ଅତୀତର କେତେ ସ୍ମୃତି
ସାଉଁଟି ଆଣୁଛି ସାହିତ୍ୟ ସଂସଦ
ଦିଏ କେତେ ଅନୁଭୂତି ।
ସେଇ ଅତୀତର ଅଭୁଲା ସ୍ମୁତିରୁ
ଚିଠି ଓ ରେଡିଓ ଆଜି
ଆମ ଜଗନ୍ନାଥ ସାହିତ୍ୟ ସଂସଦ
ଭେଟି ଦେଇଛି ଖୋଜି ।
କେତେ ଗୀତିନାଟ୍ଯ ଭଜନ ସଂଗୀତ
ଦେଶ ବିଦେଶର କଥା
ବେତାର ତରଙ୍ଗ ମଧ୍ୟମେ ଜଣାଏ
କେତେ ପୌରାଣିକ ଗାଥା ।
ଘରେ ଘରେ ବସି ରେଡିଓ ଶୁଣନ୍ତି
ମନୋରଞ୍ଜନର ଗାଥା
ପାଲା ଦାସକାଠିଆ ଜଣା ଅଜଣା
ସାକ୍ଷାତକାରର କଥା ।
ଗଳି କନ୍ଦି ପୁଣି ଗାଆଁ ଓ ସହର
ରେଡିଓ ଶୁଣନ୍ତି ସବୁ
ରେଡିଓର ପାଖେ ଘେରି ବସି ଯାନ୍ତି
ଦେଖି ସିଏ ସମୟକୁ ।
ରେଡିଓରୁ ଦେଶ ବିଦେଶ ଖବର
ସବୁ ସିଏ ଶୁଣୁଥାନ୍ତି
ଯୁଆଡେ ଯାଆନ୍ତି ସାଥିରେ ନିଅନ୍ତି
ରେଡିଓ ପାଖେ ରଖନ୍ତି ।
ରେଡିଓଟି ଚାଲେ ବ୍ୟାଟେରୀ ସାହାଯ୍ୟେ
କିଣି ସିଏ ଆଣୁଥାନ୍ତି
ଥରେ ପକେଇଲେ ମାସକ ପର୍ଯ୍ୟନ୍ତ
ନିର୍ଭୟରେ ଶୁଣୁଥାନ୍ତି ।
ରେଡିଓଟି ସବୁ ଜାଗା ଯାଇ ପାରେ
ଯେ ସ୍ଥାନକୁ ନେଇ ଯିବ
ସେ ସ୍ଥାନରେ ବସି ନିର୍ଭୟ ଭାବରେ
କ୍ରିକେଟ ଖେଳ ଶୁଣିବ ।
ଏବେ ଘରେ ଘରେ ଦୂରଦର୍ଶନର
ଚାହିଦା ରହିଛି ବେଶୀ
ରେଡିଓ ପାଖରୁ ଦୂରେଇ ଯାଇଣ
ସିନେମା ଦେଖନ୍ତି ବସି ।
ଏବେ ଘରେ ଘରେ ରେଡିଓଟି ଆଉ
ଜମା ଦେଖା ଯାଉ ନାହିଁ
ଟିଭି ପାଇଁ ମଣିଷ ପାଗଳ ହେଇ
ରେଡିଓ ଭୁଲୁଛି ତହିଁ ।
ଚିଠି କଥା ଆଉ କ'ଣ ବା ଲେଖିବି
ତା ସ୍ମୃତି ନିଆରା ଅତି
ଡାକବାଲା ଡାକ ଦେଇ ଦିଏ ଯେବେ
ଛନକା ପଶଇ ଛାତି ।
ପାଦ ଦୁଇ ଆପେ ଧାଇଁ ଯାଇ ଥାଏ
ମନରେ ଅମାପ ଖୁସି
ନୂଆବୋହୂ ଚିଠି ଧରିଲା ବେଳକୁ
ଓଢଣୀ ପଡଇ ଖସି ।
ଅଧିର ହୋଇ ସେ ଚିଠି ଖୋଲି ପଢେ
ଲେଖେ ପୁଣି ସିଏ ଚିଠି
ଡାକବାଲା ଯେବେ ଡାକ ଛାଡି ଦିଏ
ଧଡପଡ ଯାଏ ଉଠି ।
କିଏ ତ କବାଟ ଫାଙ୍କରେ କଣେଇ
ରହି ଥାଏ ସିଏ ଚାହିଁ
ଚିଠି ନ ଆସିଲେ ମନ ମାରି କୁହେ
ଚିଠି ଆସିଛି କି ନାହିଁ ।
ଚିଠିକୁ ଅପେକ୍ଷା କରିବାର ମଜା
କେତେ ଖୁସି ଆଣି ଥାଇ
ଏବେ ସେଇ ଚିଠି ଅଭୁଲା ହେଇଛି
ଏଇ ମୋବାଇଲ ପାଇଁ ।
ରେଡିଓ ଓ ଚିଠି ଧୀରେ ଧୀରେ ଏବେ
ସ୍ମୃତି ହେଇ ରହି ଯାଏ
ତଥାପି ମନରେ ହୃଦୟ ଇଲାକେ
ଚିର ସ୍ମରଣୀୟ ଥାଏ ।
"""""""""""""""""""""""""""""""""""""""
ଲତା ବେହେରା ।
ଜକା, ଢେଙ୍କାନାଳ ।
🌹🌺❤🙏❤🌺🌹✍️କ