ମା

କାନ୍ଦନା ମୋ ସୁନା ଝିଅ ମୋର କାନ୍ଦନା

ମୋ କଣ୍ଢେଇ ରାଣୀ ମନକଥା ଜାଣି

ହେବି ମୁଁ ତୋ ପାଇଁ ଖେଳନା ।

ସୁନ୍ଦର ସଂସାର ଆଶା ସମୁଦ୍ରର 

ପାଇବାକୁ ବିନ୍ଦୁ ଥିଲା ସ୍ବପ୍ନ ମୋର

ସୁଗନ୍ଧ ତୋଳିଲି ବଣମଲ୍ଲୀ ହେଲି 

ଛାଡିଦେଲା ଜଡ ଭାଙ୍ଗିଗଲା ନୀଡ 

ମୋ ସାଥି ହେଲା ମୃଗତୃଷ୍ଣା ।

ଜୀବନ ଯୁଦ୍ଧରେ ମହାରଥୀ ମେଳେ 

ଜିତୁ ଜିତୁ ହାରେ ଯେତେ ଚେଷ୍ଟା କଲେ 

ବଞ୍ଚିବାର ଗତି ମାରେ ନିତି ନିତି 

ମନ ଚାହେଁ ସଦା ପାଇବାକୁ ମୁକ୍ତି 

ଆଜି ଭାଗ୍ୟ ହାତେ ଛାଡିବିନି ତତେ

ଭୋଗେ ଯେତେ ନର୍କ ଯନ୍ତ୍ରଣା ।

ଆକାଶକୁ ଉଡି ଡେଣା ଝାଡ଼ି ଝାଡ଼ି 

ଚିରିଦେଇ ଯିବୁ ଅଜ୍ଞାନ କୁହୁଡି 

ତୋ ଆଖି ସପନ କରିବୁ ସାଧନ 

ସତ୍ୟ ପଥେ ଥିବୁ ଦେଇ ମନ ପ୍ରାଣ

ମୋ ରାଜକୁମାରୀ ଯିବୁନୁ ତୁ ଡରି 

ଆସୁ ଝଡ ଦୁଃଖ ଯାତନା ।