ଋତୁ ତୁମ ପାଇଁ
ଋତୁ ତୁମ ପାଇଁ
ଚାନ୍ଦିନୀ ଝରଣା କୂଳେ
ଜହ୍ନ ଲୁଚକାଳି ଖେଳେ
ରୂପେଲି ଚାଦର ନାଇ
ଡାକେ ଗୀତ ଗାଇ ଗାଇ
ଆ ଆ ଭିଜିବା ନୀଳ ଢେଉ ମେଳେ.
ମୁଁ ତୋର ଆକାଶ ତୁ ବିଜୁଳି ଗାର
ତୁ ମୋର ଚକୋର ମୁଁ ବରଷା ଧାର
କାଶତଣ୍ଡୀ ଡାଳେ ଡାଳେ
ଭୋଦେଇ କାକର ଝୁଲେ
ଗଙ୍ଗଶିଉଳିର ସାଜ
ଅଶିଣ ପାରିଛି ଶେଯ
ଆ ଆ ହଜିବା ମେଢ଼ ରୋଷଣୀରେ.
ମୁଁ ତୋ ଭାଗ୍ୟ ମଣୀ ତୁ ମୋର କାଞ୍ଚନ
ତୁ ଘୁଙ୍ଗୁର ହେଲେ ମୁଁ ବଇଁଶୀ ସ୍ଵନ
ପାଚିଲା ଧାନର କ୍ଷେତ
ଶଗଡ଼ିଆ ଭାଇ ଗୀତ
ବିହଙ୍ଗେ ଚିଲିକା ତୀର
ସୋରିଷ ଫୁଲର ଘର
ଆ ଆ ଗପିବା ପ୍ରେମ ଦିବସରେ.
ତୁ ଅଙ୍କାବଙ୍କା ନଈ ମୁଁ ତୋର ସାଗର
ପ୍ରେମ ମନ୍ଦିରରେ ପୂଜାଫୁଲ ମୋର
ଆମ୍ବ ବଉଳର ଧାରେ
କୁହୁ କୁହୁ ସାତ ସୁରେ
କୃଷ୍ଣଚୂଡ଼ା କୋଳେ ଶୋଇ
ଚଇତାଳି ଯାଏ ଛୁଇଁ
ଆ ଆ ନାଚିବା ରଙ୍ଗ ଅବିରରେ.