ବଧୁ ନିରୁପମା ଭାଗ ୨
ବଧୁ ନିରୁପମା ଭାଗ ୨
ଧାର ଧାର ବହେ ଆଖିରୁ ଲୋତକ
ଭାବି ତା ପୁରୁଣା ଦିନ
ସଂସାର ର ଏ କି ବିଚିତ୍ର ନିୟମ
ନାରୀ ଜନ୍ମ ହୀନିମାନ ।
ଯା କୋଳେ ଜନମି ବଡ଼ ହେଲି ପୁଣି
ପାଇ ମମତା ଆଦର
ଝିଅ ଜନମ ତ ପର ଘର ପାଇଁ
କହି ସେ କରିଲା ପର ।
ଗାଁ ଦାଣ୍ଡ ଖେଳ ସାଙ୍ଗ ସାଥି ମେଳ
ଆଉ କି ଆସିବ ଫେରି
ଶାଢ଼ୀ ର ପଣତେ କାନ୍ଦି ଲୁହ ପୋଛେ
ପୁରୁଣା ଦିନକୁ ଝୁରି ।
ଲୁହ ପୋଛି ସେ ଯେ ମନକୁ ବୁଝାଏ
ପାଇଛି ମନର ମିତ
ଶଙ୍ଖା, ସିନ୍ଦୁରରେ ସଜାଇ ମୋତେ ସେ
ଧରିଛନ୍ତି ମୋର ହାତ ।
ସଭିଙ୍କୁ କରିବି ଆପଣାର ଏଠି
ଗଢ଼ିବି ସୁଖ ସଂସାର
କରି ଆଣିଛନ୍ତି କୂଳବଧୁ ମୋତେ
କରିବେ କେତେ ଆଦର ।
ସ୍ୱପ୍ନରେ ବିଭୋର ହେଲା ନିରୁପମା
ମନେ ଭାବି କେତେ କଥା
ଓଠୁ ଉକୁଟିଲା ଚେନାଏ ହସ ତା
ଲାଜେ ନାଇଁଗଲା ମଥା ।
ଯା, ନଣନ୍ଦ ଙ୍କ ଟାହି ଟାପରା ରେ
ଭାବନା ରାଇଜୁ ଫେରି
ଓଢଣା ସଜାଇ ମୁରୁକି ହସିଲା
ଲାଜେ ଲାଜେ ସୁନା ଗୋରୀ ।