Library
Profile
ରାମ ଦୂତ ହନୁମାନ
ରାମ ଦୂତ ହନୁମାନ
( ରାଗ.. କୌଶିକ)
ଶ୍ରୀରାମ ଶ୍ରୀରାମ' ଉଚ୍ଚାରଣ ଧାରେ '
ସମୁଦ୍ର କରିଲେ ଲଙ୍ଘନ
ଲଙ୍କା ରେ ପହଞ୍ଚି,କେଉଁଠି ନ ପାଇ
ଅଧିର ସେ ହନୁମାନ'
ଆତୁରେ
ଖୋଜୁ ଥିଲେ ପୁଣି ଆଶାରେ
ଶିଂସପା ବୃକ୍ଷର ' ଡାଳେ ବସି ରହି '
ଲକ୍ଷ୍ୟ କଲେ ନିମ୍ନ ଦେଶରେ ',(୧)
ଅଶୋକ ବୃକ୍ଷର' ମୂଳରେ ହିଁ ଅଛି '
ସୀତା ମାତାଙ୍କର ଆସ୍ଥାନ '
ବୃକ୍ଷମୂଳେ ପୁଣି ' ଭୂମି ଚଟାଣରେ '
ମୁଖ ମଣ୍ଡଳ ବି ବିଷର୍ଣ୍ଣ
ଦୁଃଖରେ
କେଶ ରାଶି ' ଅସଜଡାରେ '
ମୁଖେ ନାହିଁ ହସ ,ପ୍ରାୟତଃ ଚିନ୍ତିତ
ଅନୁମେୟ ବି ସହଜରେ ' .(୨)
ବୃକ୍ଷ ଡାଳେ ବସି 'ହନୁମାନ ଆପେ '
ଶ୍ରୀରାମ ଶ୍ରୀରାମ ଭଜନ '
ଶ୍ରୀରାମଙ୍କ ଜନ୍ମ ' ଠାରୁ ସବୁ କଥା '
ମୁଖରେ କରିଲେ ବର୍ଣ୍ଣନ
ଶ୍ରୀରାମ '
ରାମ ରାମ ଜୟ ଶ୍ରୀରାମ '
ସୀତାଙ୍କ ସନ୍ଧାନ' ନିମନ୍ତେ ପ୍ରେରଣ '
ଭଜୁଛି ଶ୍ରୀରାମ ଶ୍ରୀରାମ'....(୩)
ସୀତା ମାତା ବିନା ' ପ୍ରଭୁ ରାମଚନ୍ଦ୍ର '
ଦୁଃଖରେ ବିତାନ୍ତି ଜୀବନ '
ଅଜ୍ଞାତ ବାନର ' ମୁଖରେ ଶ୍ରୀରାମ '
ଗୁଣ ଓ ମହିମା ବର୍ଣ୍ଣନ '
ପ୍ରାୟତଃ
ଅସୁର ର ' ମାୟା ଜଡ଼ିତ '
ଅସୁର ମାୟା ବି ' ହୋଇପାରେ ଭାବି '
ସୀତା ହୋଇଲେ ପ୍ରକୃତିସ୍ଥ '...(୪)
ଦୂରେ ଥାଇ ହନୁ ' ବୁଝିଗଲେ ପ୍ରାୟ
ସୀତାଙ୍କ ସେ ' ଅସ୍ଥିର ପଣ'
ଶ୍ରୀରାମଙ୍କ ନାମ 'ଶପଥ ପୂର୍ବକ '
କହିଲେ ଭକ୍ତ ହନୁମାନ '
ଭୋ ମାତା
ହୁଅ ନାହିଁ ' ଆଉ ଚିନ୍ତିତା '
ଶ୍ରୀରାମଙ୍କର ହିଁ 'ସେବକ ଓ ଭକ୍ତ '
ବହନ କରିଛି ଏ ବାର୍ତ୍ତା ..(୫)
ଶ୍ରୀରାମ ଆଙ୍ଗୁଳି ' ଧାରେ ସେ ମୂଦ୍ରିକା '
ଦେଇଛନ୍ତି ପ୍ରଭୁ ଶ୍ରୀରାମ
ବିଶ୍ୱାସ ସ୍ବରୂପ ' ଦେଖ ଏ ମୁଦ୍ରିକା
ଦୂର ହେଉ ମନର ଭ୍ରମ '
ସେବାରେ '
ହନୁମାନ ' ତୁମ ସେବାରେ '
ଶ୍ରୀରାମଙ୍କ ଦୂତ' ହୋଇଛି ପ୍ରେରିତ
କଥା ଶୁଣନ୍ତୁ ନିର୍ଭୟରେ ' .(୬)
ହନୁମାନଙ୍କର' ପବିତ୍ର ବଚନେ '
ବିଶ୍ୱାସ ହୋଇଲା ଶତତ '
ହନୁମାନ ଠାରୁ ' ମୁଦ୍ରିକା ପ୍ରାପ୍ତିରେ '
ସୀତାଙ୍କ ମନ ଆନନ୍ଦିତ '
&n
bsp; ମୁଖ୍ୟତଃ
ଉପକାରୀ , ପୁଣି ପ୍ରେରିତ
କୁହ ପ୍ରଭୁ କଥା, ଶ୍ରୀରାମଙ୍କ ଗାଥା
ଏ ସୀତା ମନରେ ଅଛି ତ!..(୭)
ସୀତା ମାତା କଥା ' ଶୁଣି ହନୁମାନ
କହିଲେ ସେ ' ଦୁଃଖ ବାରତା
ପ୍ରତି ମୁହୂର୍ତ୍ତରେ ' ସୀତା ସୀତା ନାମ
ଶୟନେ ସପନେ ବି ସୀତା '
ଦାରୁଣ
ସେଇ ଦୃଶ୍ୟ ' ଅବର୍ଣ୍ଣନୀୟ '
ରାମଙ୍କ ଅବସ୍ଥା' କେତେ ଯେ କରୁଣ '
ଭାଷାରେ କହିବା କଠିନ....,(୮)
ରାବଣ ସହିତ 'ସମଗ୍ର ଲଙ୍କାକୁ '
ଧରିବି ପୁଣି ଅନାୟସେ '
ନିଜର ଅପୂର୍ବ' ସାହସ ବିଷୟେ '
ହନୁ କୁହେ ସୀତାଙ୍କ ପାଶେ '
ଏଥର
ସୀତା ମାତା 'ହେବେ ଉଦ୍ଧାର '
କ୍ଷୁଦ୍ର ଶରୀର ଟି ' ହନୁମାନଙ୍କର '
ବୋଧେ ସନ୍ଦେହ ମାତାଙ୍କର '..,(୯)
ନିଜ ରୌଦ୍ର ରୂପ ' ସୀତାଙ୍କ ସମ୍ମୁଖେ '
ହନୁ କରିଲେ ପ୍ରଦର୍ଶିତ '
ଅନୁମତି ଦେଲେ ' ସମଗ୍ର ଲଙ୍କାକୁ '
କରି ଦେବି ଧ୍ବସ୍ତ ବିଧ୍ବସ୍ତ
ସମ୍ପୂର୍ଣ୍ଣ
ସୀତା ମାତା ' ମୁଖେ ବଚନ
ହନୁମାନଙ୍କର 'ଶକ୍ତି ଦେଖି କ୍ରମେ '
ସୀତା ବି ହୋଇଲେ ପ୍ରସନ୍ନ'....,(୧୦,)
ସୀତା ମାତା ପୁଣି' କହିଲେ ଯତନେ '
ଶୁଣିବା ହେଉ ଏକାଗ୍ରରେ '
ପ୍ରଭୁଙ୍କୁ ଏଠାକୁ ' ଆସିବାକୁ ହେବ
ଯଶ ଅକ୍ଷୁର୍ଣ୍ଣ ଧାରା ଧାରେ
ସେ ଯୁଦ୍ଧ
ନାରୀ ପ୍ରତି ' ସମ୍ମାନ ଯୁଦ୍ଧ '
ରାବଣ ନିଧନ ' ସୀତାଙ୍କ ଉଦ୍ଧାର
ହେଉ ନ୍ୟାୟତଃ ବିଧିବଦ୍ଧ ...(୧୧)
କଥୋପକଥନ ' ଶେଷ ହେଲା ପରେ '
ସୀତା ମାତା ଠାରୁ ଅଭୟ
ଖୁସି ମନେ ହନୁ ' ଲଙ୍କା ମଧ୍ୟେ ରହି
ନିଜକୁ ନିଜେ ବି ଅଥୟ '
ପ୍ରାୟତଃ
ସୀତା ମାତା ' ଠାବ ସହିତ
ମୁଦ୍ରିକା ପ୍ରଦାନ ' ହେଲା ସମାପନ
ଧନ୍ୟ ହନୁମାନ ସେ' ଦୂତ...,(୧୨)
ଶ୍ରୀରାମଙ୍କ ପାଶେ ' ହନୁମାନ ଧିରେ
ସଂକ୍ଷିପ୍ତ ବିବରଣୀ ଧାରେ
ସୀତା ମାତାଙ୍କର ' ମୁଖେ ବ୍ୟକ୍ତ ବାଣୀ
ଥିଲା ଯା' ପ୍ରଭୁ ଉଦ୍ଦେଶ୍ୟରେ
ଶ୍ରୀରାମ
ଜୟ ଜୟ ' ପ୍ରଭୁ ଶ୍ରୀରାମ '
ରାମାୟଣ କଥା ' ପବିତ୍ର ସେ ଗାଥା
ଚିନ୍ତନ ବିଧେୟ ଶ୍ରୀରାମ...,(୧୩)
