ଭଦ୍ରମୁଖା

ଭଦ୍ରମୁଖା ତଳେ ଅଭଦ୍ରତା ଯେବେ ଆତ୍ମ ଗୋପନ କରେ

ସରଳ ନିଷ୍ପାପ ଖିଆଲୀ ମନଟା ଛନ୍ଦି ହୁଏ ବିଶ୍ୱାସରେ l

ଛନ୍ଦହୀନ ମନଟା ବା ଛନ୍ଦି ନହେବ କିପରି ?

ଚଢ଼େଇର ଚିତ୍ର ସିନା ଜଣା ପଡ଼େ ଉପରେ

ହେଲେ ମଣିଷର ଚିତ୍ର ପରା ତାର ଶରୀର ଭିତରେ l

ଭଦ୍ରମୁଖାଧାରୀ କେତେ ଭଣ୍ଡବାବା ସାଧୁ ସନ୍ଥ

ଯୌନ ଲାଳସା ଚରିତାର୍ଥେ ହୋଇ ମଦମତ୍ତ

କରୁଛନ୍ତି ପ୍ରାୟଶ୍ଚିତ କାରାଗାରେ ହୋଇ ହନ୍ତସନ୍ତ l

ଗେରୁଆ ବସ୍ତ୍ର ଆଉ ଲମ୍ବ ନିଶ ଦାଢ଼ି

ପ୍ରବଚନର ବାକ ଚାତୁରୀ ଅନ୍ତରାଳେ

ଛପି ଥାଏ କାମ ବାସନା ଭ୍ରଷ୍ଟାଚାର ସିଡ଼ି

ଚଢି ଯିବାପାଇଁ ସ୍ୱର୍ଗକୁ ଛାଡ଼ି ଓଁକାର ରଡ଼ି l

ଛନ୍ଦହୀନ ସରଳତା ଭକ୍ତିଭାବ ପରଖି

ଏହି ବିଷୟାସକ୍ତ ଭଣ୍ଡବାବା ମାନେ କରିଥାନ୍ତି ଚରିତାର୍ଥ

ସେମାନଙ୍କର ଯୌନପିପାସା ସମୟ ସୁଯୋଗକୁ ଦେଖି l

ସାଗର ଗର୍ଭରେ ଥିବା ଅକ୍ଟୋପସ କୁ କର ନିରୀକ୍ଷଣ

ସରଳ ନିଷ୍ପାପ ଜୀବଟିଏ ଭଳି ପଡିଥାଏ ସାଗର ଭିତରେ

ବିଚରା, ତା ପାଖ ଦେଇ ଗଲା ବେଳେ ଜୀବ ଟିଏ

Advertisement

ତାକୁ ସେ ଉଦରସ୍ଥ କରିନିଏ ଅତି ଅକ୍ଳେଶରେ l

ଆଜିର ସମାଜରେ ଏହି ଅକ୍ଟୋପସ ମାନଙ୍କର ସଂଖ୍ୟା

ବଢିଚାଲିଛି କାୟା ବିସ୍ତାର କରି କୋଟିପତି ହେବା ନିଶାରେ l

କେଉଁଠି ତେଲ ଘିଅ ମହୁ ଭେଜାଲ ତ କେଉଁଠି ଖାଦ୍ୟ ଦ୍ରବ୍ୟ

କେଉଁଠି ଚାଲେ ଉତ୍କଟ ମାଦକଦ୍ରବ୍ୟର ଚୋରା କରବାର ତ

କେଉଁଠି ଚାଲେ ଖୁଲୁମ ଖୁଲା ବେପାର l

ବିଚରା, ସରଳ କୋମଳମତି ଛାତ୍ର ଛାତ୍ରୀମାନେ ଏବେ ଏହି

ନିଶାପାଣିର ଶିକାର l

କେଉଁଠି ଛାତ୍ରୀଟିଏ ଶିକ୍ଷକର କାମ ବାସନାରେ ଧର୍ଷିତା ତ

କେଉଁଠି ନିଶା କବଳିତ ପିତାର ଅଶୋଭନୀୟ ଆଚରଣର

ଜନ୍ମିତା ଝିଅଟି ନିଁଦିତା l

କେଉଁଠି ପୁଅର ମିଥ୍ୟା ପ୍ରତିଶୃତିରେ ଝିଅଟି ଅନ୍ତଃସତ୍ଵା ତ

କେଉଁଠି ଝିଅଟି ଦ୍ୱାରା ପୁଅଟିଏ ପ୍ରତାରିତ ଏବଂ ସର୍ବହରା l

ଭଦ୍ରମୁଖାର ଆବରଣ ତଳେ ଚାଲିଛି ଏ ସବୁ ଲୀଳାଖେଳା

କରୋନା ମହାମାରୀରେ ନହେଲେ ଉଦୟ ସଦବୁଦ୍ଧି

ନିଶ୍ଚେ ବୁଡ଼ିବ ଆମର ଭେଳା

ଦେଇ ସଦବୁଦ୍ଧି ସଭିଙ୍କୁ ରକ୍ଷାକର ପ୍ରଭୁ ଚକାଡ଼ୋଳା l