ପ୍ରଭାତ ବନ୍ଦନା

ପ୍ରଭାତୁ ଉଠିଣ ପବିତ୍ର ବେଳାରେ 

ଜ୍ୟୋତିର୍ମୟ ପରଂବ୍ରହ୍ମ

କରୁଛି ବନ୍ଦନା ତଵ ସ୍ତୁତି ଗାନ

ମୁଁ ଅଧମ ଅକିଞ୍ଚନ l

ପରମ ଐଶ୍ୱର୍ଯ୍ୟ ହେ ମହାମହିମ

ସର୍ବ ଶ୍ରେଷ୍ଠ ଶକ୍ତିମାନ

ଦେଇ ଶୁଭ ବୁଦ୍ଧି ସତ ମାର୍ଗ ମୋତେ

କର ପ୍ରଭୁ ପ୍ରଦର୍ଶନ l

ଜଗତ କରତା ସୁଖ ଶାନ୍ତି ଦାତା

ତୁମେ ମୋର ଜ୍ଞାନଦାତା

ପରମ ଦୟାଳୁ ଶ୍ରେଷ୍ଠ ନ୍ୟାୟକାରୀ

ତୁମେ ପ୍ରଭୁ ଦଣ୍ଡ ଦାତା l

ସୂର୍ୟୋଦୟର ଏ ଶୁଭ ମୁହୂର୍ତ୍ତରେ

କର ମୋତେ ଶୁଦ୍ଧପୂତ

ଦେଵଗଣଙ୍କର ଉତ୍ତମ ବୁଦ୍ଧିରେ

କର ମୋତେ ବିଭୂଷିତ l

ଶ୍ରେଷ୍ଠ ପୁରୁଷଙ୍କ ସତସଙ୍ଗ ଦ୍ୱାରା

କର ମୋତେ ବୀର ଶ୍ରେଷ୍ଠ

ମୋ ମନ ବଚନ କର୍ମକୁ ନିର୍ମଳ

କରି ଗଢ଼ ସର୍ବୋତ୍କୃଷ୍ଟ l

ତୁମେ ମୋର ଆଶା ତୁମେ ମୋ ଭରସା

ତୁମେ ମୋ ପରମ ପିତା

ବିଶ୍ୱ ବ୍ରହ୍ମାଣ୍ଡର ତୁମେ ଅଧୀଶ୍ଵର

ତୁମେ ମୋର ମୋକ୍ଷ ଦାତା l

ତୁମେ ବନ୍ଦନୀୟ ସେବନୀୟ ପ୍ରଭୁ

ମୋ ପ୍ରତି ସଦୟ ହୁଅ

ସକଳ ଐଶ୍ୱର୍ଯ୍ୟ ସୁଖ ଶାନ୍ତି ଦେଇ

ମୋକ୍ଷ ପଥେ ନେଇଯାଅ l