ଶେଷ ସାଥି

ଆଜିର ଦିନଟା    କାଲିକି ଅନ୍ତର 

    ପାହିଗଲେ ଏଠି ରାତି 

ସମୟର ଚକ     ଗଡି ଗଡି ଯାଏ 

    ଅବିରାମ ତା'ର ଗତି ll

ସମୟ ବୁଝେନି    ମନର ବେଦନା 

    ବୁଝେନି ଅନ୍ତର କଥା 

ପେଟ ବି ବୁଝେନି    ଦାନା ମୁଠେ ପାଇଁ 

    ଗରିବ ଲୋକର ବ୍ୟଥା ll

ଭୋକର ଜ୍ୱଳନ    ଅସହ୍ୟ ବହୁତ 

    ସହିବାଟା ଭାରି କଷ୍ଟ 

ବେଳେ ବେଳେ ଏଠି   ଦାନା ମୁଠେ ପାଇଁ 

     ସ୍ୱାଭିମାନ ହୁଏ ନଷ୍ଟ ll

ସବୁ କିଛି ଥାଇ    ତଥାପି ଜୀବନେ 

    ଲାଗେ ଭାରି ଏକା ଏକା

ଜୀବନର ବାଟ    ଚାଲୁ ଚାଲୁ କେବେ 

    ମନରେ ଜାଗଇ ଶଙ୍କା ll

ଚଳଚଞ୍ଚଳ ଏ     ମନ ଗହନରେ 

    ଆସେ କେବେ ନୀରବତା 

ଇଚ୍ଛା ହୁଏ ନାହିଁ    ମନ ଖୋଲି ଥରେ 

    କହିବାକୁ ପଦେ କଥା ll

ଜଣା ନାହିଁ ଏଠି    ଆସିବ ସକାଳ 

    ପାହିବକି ନାହିଁ ରାତି 

୬ ଖଣ୍ଡ ବାଉଁଶ    ହେବ ଏଠି ବନ୍ଧୁ  

    ଜୀବନର ଶେଷ ସାଥି ll