Library
Profile
ପ୍ରବୃତ୍ତିର ଲୁଚକାଳି
ପ୍ରବୃତ୍ତିର ଲୁଚକାଳି
ନାହିଁ ଏଠି ଆଉ
ମୁକ୍ତି ତୀର୍ଥରେ
ମୋକ୍ଷ ପ୍ରାପ୍ତିର ଆଶା
ମନଟା ଯେଉଁଠି
କଳୁଷ ପୁଞ୍ଜର
ବୁଢିଆଣୀ ଜାଲ ବସା ll
ପ୍ରକୃତି ଯେଉଁଠି
ପ୍ରବୃତ୍ତି ପ୍ରଲୁବ୍ଧ
କାମନାର ପେଣ୍ଠସ୍ଥଳୀ
ବିବେକ ତ ଏଠି
ପ୍ରବୃତ୍ତି ପାଖରେ
ନିମିଷକେ ପଡେ ବଳି ll
ମନସ୍କାମ ଯଦି
ନ ହୁଏ ପୂରଣ
ଦେବତା ନୁହଁନ୍ତି ଭଲ
ପ୍ରଭୁଙ୍କ ଆଶିଷ
ଲଭିବାକୁ ଏଠି
ନିତି ହୁଏ ମୂଲଚାଲ ll
ଅହଂକାର ଏଠି
ନୀରବ ଠାଣିରେ
ନିଜକୁ ଦେଖାଏ କେତେ
ଛପି ରହିଥାଏ
&nbs
p; ତଥାପି କାମନା
ଭକତି ଅନ୍ତର ଚିତ୍ତେ ll
ନିଜର ଦୁର୍ଭାଗ୍ୟ
ଅସଫଳତାରେ
ଦେବତା ହୁଅନ୍ତି ଦୋଷୀ
ଏତେ ଡାକି ତାଙ୍କୁ
କି ଲାଭ ମିଳିଲା
ମିଳିଲାଯେ କେଉଁ ଖୁସି? ll
ଆସକ୍ତି, କାମନା
ବିକୃତ ଭାବନା
ନାହିଁ ତା'ର ଏଠି ଅନ୍ତ
ପ୍ରବୃତ୍ତି ଫାଙ୍କରେ
ଖସିବାକୁ ଏଠି
ନିତି ଚାଲେ କସରତ ll
ଲୋଭ ମୋହ ମାୟା
ପ୍ରକୃତି ପ୍ରବୃତ୍ତି
ମନକୁ ବିକୃତ କରେ
ଧର୍ମ ନାମେ ଏଠି
କେତେଯେ ଛଳନା
ବଖାଣିଲେ ନ ସରେ ll
